Ўзбекистон республикаси ахборот технологиялари ва коммуникацияларини ривожлантириш вазирлиги муҳаммад ал-хоразмий номидаги

 
Д.И.МЕНДЕЛЕЕВ ДАВРИЙ СИСТЕМАСИНИ ЭЛЕКТРОН ШАКЛДА ЎРГАНИШ 
Ф.Б.Каримова (Қарши Транспорт КҲК) 
К.Б.Тўраев (Тошкент тиббиёт академияси) 
1997 йил 29 августда Ўзбекистон Олий мажлисининг I- чақириқ IX – сессиясида 
«Таълим тўғрисида»ги қонуни ва «Кадрлар тайёрлаш Миллий дастури» қабул қилинди. 
«Кадрлар тайёрлаш Миллий дастури»нинг 3 та асосий мақсади бўлиб, улар: таълим 
соҳасини тубдан ислоҳ қилиш; таълим соҳасини ўтмишдан қолган мафкуравий қарашлар ва 
сарқитлардан тўла халос этиш; ривожланган демократик давлатлар даражасида, юксак 
маънавий-ахлоқий талабларга жавоб берувчи юқори малакали кадрлар тайёрлаш миллий 
тизимини яратиш. 
Демак, юқори малакали кадрлар тайёрлаш учун, ҳар бир фанни шу жумладан кимё 
фанини ҳам илғор ахборот ва педагогик технологиялар асосида ўқитиш талаб этилади.
Ўқувчиларда кимё фанига бўлган қизиқиш ва меҳр, шу предметга масъулиятли 
муносабат уйғотиш, кимё фанининг ҳозирги даврдаги роли ва ўрни ҳақидаги 
тасаввурларини тўғри шакллантиришни айнан ўқитувчи бажаради. Бундай масъулиятли 
вазифани бажариш учун ўқитувчининг ўзи замонавий ахборот ва педагогик 
технологияларни билишлари, уларнинг вазифаларига бўлган талабларини малакали тарзда 
эгаллаши керакдир. Кимё фанининг педагогик функцияси инсоннинг умумий таълим 
олишдаги асосий вазифаларини аниқлашдаги хусусиятлари билан аниқланади. 
Ўқитувчилар, талаба ва ўқувчилар жамоасида ҳамкорлик ва ижодий муҳитни 
яратишда замонавий ахборот технологияларининг ўрни беқиёс ҳисобланади. Замонавий 
ахборот технологиялари талабаларга ўрганаётган мавзуларининг, айниқса кимё фанида, 
виртуал ҳолда мазмунини тушуниб олишларига ёрдам беради. 
Касб-ҳунар коллежларида бўлғуси кичик мутахассислар касбий тайёргарлигига 
юқори талаблар қўйилмоқда. Бу талабаларнинг ичида компьютер техникаси ва 
технологияларини билиш, улардан самарали фойдалана олиш маҳорати алоҳида аҳамият 
касб этмоқда. 
Касб-ҳунар коллежларида кимё фанини компьютер дастурларида ўрганиш мантиқий 
– структурасини тузишдан бошланади. Мантиқий, структурани тузиш учун кимё курси 
мазмуни айрим блокларга ёки модулларга бўлинади. 
Кимё фанининг лаборатория машғулотларини ўтишда компьютерли дастурларнинг 
ўрни беқиёсдир. Бу ерда ўқувчи компьютердан лаборатория машғулотининг ёзма тавсилоти 
билан танишади, хавфсизлик техникаси қоидаларини ўрганади. Кейинги босқичда 
лаборатория машғулоти учун керакли жиҳозларни танлайди. Уларнинг ишга яроқлилигини 
компьютерлардан текшириб олади. 
Лаборатория жиҳозлари йиғилиб, техника хавфсизлиги қоидаларига амал 
қилинганидан кейин бевосита лаборатория ишини компьютерларда бажаришни бошлаш 
мумкин. Бунинг учун керакли моддалар керакли миқдорда кимёвий реакцияга киритилади 
ва кутилган сифат ва миқдордаги кутилган рангдаги янги хоссаларга эга бўлган янги 

---

45 
кимёвий модда олинади. Олинган янги модданинг сифатлари кимёвий кўрсаткичлари, 
лаборатория машғулоти тафсилотида келтирилган манбаларга солиштирилади. Агарда, 
лаборатория машғулоти учун тайёрланган йўриқномадаги маълумотлар етарли бўлмаса, 
ўқувчи дарсликларга, электрон дарсликларга мурожаат қилади. 
Д.И.Менделеев даврий қонуни ва системаси асосий қонун бўлиши билан бирга – 
кимё фанини ўрганишнинг методик асоси ҳамдир. 
Даврий қонуннинг кашф этилиши катта илмий жасорат бўлиши билан бирга, қатор 
энг муҳим методологик ва методик муаммоларнинг ечимини беради. 
Д.И.Менделеевнинг кимёвий элементлар даврий системасидаги хар бир элемент, 
атомларнинг хусусиятларини берувчи махсус компьютер дастурлари тузилган. Шулардан 
бири ptable.com сайтида жойлашган виртуал системадир. Бу системада бирор элементни 
сичқонча билан белгиласангиз, унинг хусуситларини ифодаловчи экран чиқиб келади. 
 
Бу экран орқали асосий группачалардаги элементларнинг даврий системадаги 
жойлашган ўрни ва атомларнинг тузилиши, ушбу элементлар ҳосил қилган оддий ва 
мураккаб моддалар, ковалент боғланиш (қутбли ва қутбсиз), ион боғланиш, оксидланиш 
даражаси, оксидланиш-қайтарилиш реакцияси, кристалл панжара (ионли, атом, молекуляр) 
изотопларни билиб олиш мумкин бўлади. 
Хулоса қилиб айтганда, кимё фанини компьютер дастурларида ўрганиш бир қатор 
афзалликларга эгадир.