Ўзбекистон республикаси ахборот технологиялари ва коммуникацияларини ривожлантириш вазирлиги муҳаммад ал-хоразмий номидаги тошкент ахборот технологиялари университети

АНЖУМАНИ МОҒОНЕ ИРОН – зардуштий руҳонийлар иерархиясидан ташкил топган Эрон Мобадлари кенгаши.
АНХРА–МАЙНЬЮ (юнонча, Ахриман) – зардуштийлик­да ёмонлик, ёвузлик, бузғунчилик ибтидоси, зулмат эгаси бўлиб, эзгулик ва ёруғлик соҳиби Ахура Мазда ва унинг тарафдорларига қарши бош кўтарган маъбуд.
АПОСТОЛ (юнонча, «элчи») – христиан таълимотига бино­ан Исонинг энг яқин ёрдамчиларининг унвони. Уларнинг асосийлари 12 та: Пётр (Симон Ионин), Андрей, Иоанн, Иаков Зеведеев, Филипп, Варфоломей, Матфей, Фома, Иа­ков Алфеев, Фаддей, Симон Кананит, Иуда Искариот (Исо­ни сотган ҳаворий), Матфий (Иудадан сўнг унинг ўрнини эгаллаган). Булардан ташқари яна 70 нафар ҳаворий мав­жуд бўлгани христиан адабиётларида қайд этилади.
АРОН КОДЕШ – Синагогаларда «Таврот» ўрамлари сақланадиган махсус жой.
АТХАРВА ВЕДА – «Афсун ва жодулар ведаси» – коинот билан боғлиқ, мистик парчалар ва сеҳр билан алоқадор дуолардан иборат китоб. Ўша даврда афсун ва жодулар олов устида бажарилгани сабабли, у афсонавий руҳоний Атхарвана – «Олов руҳонийси» номи билан узвий боғлиқ. Атхарва Веда 6000 шеърдан иборат 371 мадҳияни ўз ичига олади. Улар жами 20 китобда жамланган.
АХУРА МАЗДА (юнонча, Ормузд) – зардуштийликда до­нишмандлик соҳиби, яхшилик, эзгулик, яратувчанлик ибтидоси, ёруғлик соҳиби бўлиб, ёвуз Ахриман ва унинг тарафдорларига қарши доимий курашда.
АША ВАХИШТА – зардуштийликда адолат, ҳақиқат маъбу­ди, Ахура Мазда тарафдори.
АШВИНА ВА САВИТАР – Ҳинд ҳаво худолари.
БАРАШНУМ – зардуштийликда жасадни кўтарган ва юв­ган кишиларнинг узоқ вақт давомида итлар ёрдамида амалга ошириладиган покланиш маросими.
БАР–МИЦВА (ибр., «буюрилган амрлар ўғли») – яҳудийликда 13 ёшга тўлган ўғил бола, балоғат ёшига ет­гани муносабати билан ўтказиладиган маросим.
БИБЛИЯ (юнонча, «китоблар») – яҳудийлик ва христиан­лик динларидаги асосий муқаддас манбанинг номланиши. Яҳудийлар «Библия»си «Китве кадеш» ва «Танах» ҳам деб номланади. Христианлар томонидан тан олинадиган «Би­блия» «Қадимги Аҳд» ва «Янги Аҳд»дан иборат бўлиб, умумий ҳисобда 66 китобдан иборат.
БИБЛИЯ ЖАМИЯТИ – «Библия»нинг алоҳида қисмларини ёки тўлалигича дунё тилларига таржима қилиш билан шуғулланадиган жамиятлар номи. Бундай жамиятлар би­рор бир диний конфессияга қарашли бўлмай, буюртма асосида ишлайди. Илк «Библия» жамияти 1804 йилда Британияда тузилган. Ҳозирда дунё бўйича 140 дан ортиқ шундай жамиятлар мавжуд.