Ўзбекистон республикаси ахборот технологиялари ва коммуникацияларини ривожлантириш

Бошқарув фаолияти, турларига кўра, қуйидагича бў-
линади:
а) бошқарувнинг иқтисодий функциялари, яъни:
- маблағлар айланмасини амалга ошириш;
- маҳсулот ишлаб чиқариш ва хизмат кўрсатиш;
- маркетинг хизматини уюштириш;
- фойда олиш ва тақсимлаш каби.
б) бошқарувнинг ижтимоий функциялари, яъни:
- меҳнат шароитини яхшилаш;
- ходимларнинг уй-жойга бўлган ва ижтимоий, маданий-
маънавий эҳтиёжларини қондириш;
- моддий рағбатлантиришни йўлга қўйиш;
- ижтимоий ҳимояни таъминлаш ва ҳоказо.
в) бошқарувнинг маънавий-маърифий функциялари, 
яъни:
- ходимларни инсонийлик, яхшилик, меҳр-шафқат ва ўзаро 
муносабатларда сабр-тоқатли бўлиш руҳида тарбиялаш;
- ходимларни ватанга муҳаббат, инсонпарварлик руҳида 
тарбиялаш ҳалолликни, адолат туйғусини, билим ва маъри-
фатга интилишни тарбиялашга хизмат қилиши керак.
г) бошқарувнинг ташкилий функциялари, яъни:
- ишлаб чиқаришни ташкил қилиш;
- ўзаро алоқаларни ўрнатиш ва муҳофазалаб туриш;
- барча бўғин ва бўлимлар ўртасида вазифалар 
тақсимоти, ҳуқуқ бериш ва бошқарув аппарати ходимлари 
ўртасида масъулиятни белгилаш;
- бошқарувнинг аниқ услубини танлаш ва қарор қабул 
қилишда иш тартиби изчиллиги, ахборотлар оқимини таш-
кил қилиш ва ҳоказо. Қайд қилинган функциялар бир-бири 
билан боғлиқ ва маълум даражада тартибга солинган кўп ун-
сурлар, компонентлардан иборат.
«Структура» лотинча сўз бўлиб, нарсалар таркибий қисм-
ларининг ўзаро боғлиқ равишда тузилишини билдиради.
Бошқарув структураси деганда, бошқарув мақсадларини 
амалга оширувчи ва функцияларни бажарувчи, бир-бири би-
лан боғланган турли бошқарув органлари ва бўғинлари маж-
муи тушунилади. 
Бошқарувнинг у ёки бу вазифаларини ҳал қилиш учун 
муайян органлар тузилади. Бошқарув органлари тизими 

---

10
қуйи органларнинг юқори органларга бўйсуниши ва улар 
орасидаги ўзаро алоқа бошқарув структураси тушунчасини 
ташкил қилади. Бундай структура, одатда, бошқарув аппара-
ти структураси деб юритилади. У бирон-бир бошқарув орга-
нининг (вазирликнинг ёки корхонанинг бошқарув аппарати 
каби) бўлимлари таркибини билдиради.
Шундай қилиб, бошқарувнинг мақсади, функция, вазифа, 
объект ва органлари унинг ташкилий структурасини белги-
лаб беради.