Ўзбекистон Республикаси Адлия вазирлиги Япония Халқаро Ҳамкорлик Агентлиги

Аккредитация қилиш, сертификатлаштириш, стандартлаштириш, метрология ва техник жиҳатдан тартибга солиш

Аккредитация қилиш, сертификатлаштириш, стандартлаштириш, метрология ва техник жиҳатдан тартибга солиш соҳасидаги муносабатлар “Мувофиқликни баҳолаш тўғрисида”ги, “Маҳсулотлар ва хизматларни сертификатлаштириш тўғрисида”ги, “Стандартлаштириш тўғрисида”ги, “Метрология тўғрисида”ги, “Техник жиҳатдан тартибга солиш тўғрисида”ги қонунлар ва бошқа қонун ҳужжатларга мувофиқ тартибга солинади.

Масалан, Ўзбекистон Республикаси Вазирлар Маҳкамасининг 2011 йил 28 апрелдаги 122-сон қарори билан Мажбурий тартибда сертификатланади- ган, Ўзбекистон Республикаси ҳудудида ишлаб чиқариладиган ва унга олиб кириладиган маҳсулотлар турлари рўйхати тасдиқланган.

5. Давлат экологик экспертизаси

Давлат экологик экспертиза соҳасидаги муносабатлар “Экологик экспертиза тўғрисида”ги Қонун билан тартибга солинади. Экологик экспертиза қуйидаги мақсадларда ўтказилади:

мўлжалланаётган хўжалик ва бошқа хил фаолиятни амалга ошириш тўғри- сида қарор кабул қилинишидан олдинги босқичларида бундай фаолиятнинг экологик талабларга мувофиқлигини аниқлаш;
режалаштирилаётган ёки амалга оширилаётган хўжалик ва бошқа хил фаолият атроф табиий муҳит ҳолатига ва фуқаролар соғлиғига салбий таъсир кўрсатиши мумкин бўлса ёки шундай таъсир кўрсатаётган бўлса, бундай фаолиятнинг экологик хавфлилик даражасини аниқлаш;
атроф табиий муҳитни муҳофаза қилиш ва табиий ресурслардан оқилона фойдаланиш бўйича назарда тутилаётган тадбирларнинг етарлилиги ва асос- лилигини аниқлаш.
Экологик экспертиза давлат ва жамоат экологик экспертизаси, шунингдек экологик аудит тарзида амалга оширилади.
Вазирлар Маҳкамасининг 2001 йил 31 декабрдаги 491-сон қарори билан Ўзбекистон Республикасида давлат экологик экспертизаси тўғрисидаги низом
ва Давлат экологик экспертизаси амалга ошириладиган фаолият турлари рўйхати тасдиқланган.

6.