Ўзбекистон Республикаси Адлия вазирлиги Япония Халқаро Ҳамкорлик Агентлиги

БОБ. РУХСАТ БЕРИШ ТАРТИБ-ТАОМИЛЛАРИДАН ЎТИШ ТАРТИБИ ТЎҒРИСИДАГИ НИЗОМЛАРДА БЕЛГИЛАНГАН ҲОЛЛАРДА ТАДБИРКОРЛИК СУБЪЕКТИНИНГ РУХСАТ ЭТИШ ХУСУСИЯТИГА ЭГА ҲУЖЖАТНИ БЕРИШ ТЎҒРИСИДАГИ АРИЗАСИНИ КЎРИБ ЧИҚҚАНЛИК УЧУН, РУХСАТ ЭТИШ ХУСУСИЯТИГА ЭГА ҲУЖЖАТНИ БЕРГАНЛИК ЁКИ УНИНГ АМАЛ ҚИЛИШ МУДДАТИНИ УЗАЙТИРГАНЛИК УЧУН ЙИҒИМЛАРНИ ТЎЛАШ

1. 
   Тадбиркорлик субъектининг рухсат этиш хусусиятига эга ҳужжатни бериш тўғрисидаги аризасини кўриб чиққанлик учун йиғим. Рухсат этиш хусусиятига эга ҳужжатни берганлик ёки унинг амал қилиш муддатини узайтирганлик учун йиғим.
   

Қонуннинг 17-моддасига мувофиқ тадбиркорлик субъектининг рухсат этиш хусусиятига эга ҳужжатни бериш тўғрисидаги аризаси ваколатли орган томо- нидан кўриб чиқилганлиги учун, рухсат этиш хусусиятига эга ҳужжатни берганлик ва унинг амал қилиш муддатини узайтирганлик учун йиғим рухсат бериш тартиб-таомилларидан ўтиш тартиби тўғрисидаги низомларда белги- ланган ҳолларда ва миқдорларда ундирилади.

Ўзбекистон Республикаси Солиқ кодексининг 23-моддаси Ўзбекистон Рес- публикаси ҳудудида амал қиладиган солиқлар ва бошқа мажбурий тўловларни белгилайди. Кодекснинг ушбу моддасига мувофиқ бошқа мажбурий тўловларга қуйидагилар киради: 1) ижтимоий жамғармаларга мажбурий тўловлар: ягона ижтимоий тўлов; фуқароларнинг бюджетдан ташқари Пенсия жамғармасига суғурта бадаллари; бюджетдан ташқари Пенсия жамғармасига мажбурий ажрат- малар; 2) Республика йўл жамғармасига мажбурий тўловлар: Республика йўл жамғармасига мажбурий ажратмалар; Республика йўл жамғармасига йиғимлар;
2¹) бюджетдан ташқари Умумтаълим мактаблари, касб-ҳунар коллежлари, ака- демик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига мажбурий ажратмалар; 3) давлат божи;
4) божхона тўловлари; 5) айрим турдаги товарлар билан чакана савдо қилиш ва айрим турдаги хизматларни кўрсатиш ҳуқуқи учун йиғим.
Тадбиркорлик субъектининг рухсат этиш хусусиятига эга ҳужжатни бериш тўғрисидаги аризаси ваколатли орган томонидан кўриб чиқилганлиги учун, шунингдек рухсат этиш хусусиятига эга ҳужжатни берганлик ва унинг амал қилиш муддатини узайтирганлик учун йиғимлар Ўзбекистон Республикаси Солиқ кодексидаги бошқа мажбурий тўловлар категориясига киритилмаган. Мазкур йиғимлар Солиқ кодесининг 326-моддасида назарда тутилган давлат божлари тушунчасига ҳам тушмайди.
Шуни таъкидлаш лозимки бундай йиғимларни ундириш амалиёти айрим фаолият турларини лицензиялаш тўғрисидаги қонунчиликда назарда тутилган.
“Фаолиятнинг айрим турларини лицензиялаш тўғрисида”ги Қонуннинг 15-мод- дасига мувофиқ лицензияловчи орган лицензия даъвогарининг аризасини кўриб чиққанлиги учун йиғим ундиради.

2.