Ўзбекистон Республикаси Адлия вазирлиги Япония Халқаро Ҳамкорлик Агентлиги

Тадбиркорлик субъекти рухсат этиш хусусиятига эга ҳужжатни бериш рад этилганлиги, шунингдек ваколатли орган мансабдор шахсининг ҳаракати (ҳаракатсизлиги) устидан шикоят қилиш

Қонуннинг 20-моддаси тадбиркорлик субъекти рухсат этиш хусусиятига эга ҳужжатни бериш рад этилганлиги, шунингдек ваколатли орган мансабдор шахсининг ҳаракати (ҳаракатсизлиги) устидан белгиланган тартибда шикоят қилиш ҳуқуқига эга эканлигини назарда тутади.
Шикоят қилиши ҳуқуқи ваколатли орган ёки суднинг қарори, шунингдек ваколатли орган мансабдор шахсининг ҳаракати (ҳаракатсизлиги) ни ушбу қарордан норози бўлган тадбиркорлик субъекти талаби бўйича қонунийлигини текширишни амалга оширишни билдиради.
Қонуннинг 20-моддаси нормаларига асосан тадбиркорлик субъектлари — юридик ва жисмоний шахслар рухсат этиш хусусиятига эга ҳужжатни беришни рад этиш устидан ваколатли давлат органининг қарори ёки унинг мансабдор шахсининг ҳаракати (ҳаракатсизлиги) устидан ҳам маъмурий тартибда (ушбу тартиб бўйсунув тартибидаги юқори турувчи органга ёки мансабдор шахсга шикоят қилишни билдиради) ҳам суд тартибида (шикоят ишларни судлов- лигини инобатга олган ҳолда хўжалик судлари орқали амалга оширилади) шикоят қилиш ҳуқуқига эга.
Мазкур қўлланманинг 14-бобида шикоят қилиш тартиби бўйича батафсил изоҳланган.

9. Тадбиркорлик субъектлари томонидан ҳаракатлар бажарилганлигининг ва (ёки) муайян фаолият амалга оширилганлигининг хабардор қилиш тартиби

Қонуннинг 19-моддаси тадбиркорлик субъектлари томонидан ҳаракатлар бажа- рилганлигининг ва (ёки) муайян фаолият амалга оширилганлигининг хабардор қилиш тартибини белгилаганини таъкидлаш лозим. Мазкур моддага асосан рухсат бериш тартиб-таомилларидан ўтиш тартиби тўғрисидаги низомларда тадбиркорлик субъектлари ушбу Қонун 14-моддасининг биринчи қисмида назарда тутилган ҳужжатларни ваколатли органга тақдим этган пайтдан эъти- боран улар томонидан ҳаракатлар бажарилганлигининг ва (ёки) муайян фаолият амалга оширилганлигининг хабардор қилиш тартиби назарда тутилиши мумкин. Қонуннинг 14-моддасига мувофиқ ваколатли органга тақдим қилинадиган ҳужжатларнинг рўйхати мазкур қўлланманинг 8-бобида батафсил изоҳланган. Қонуннинг 19-моддаси талабларидан келиб чиқиб, рухсат бериш тар- тиб-таомилларидан ўтиш тартиби тўғрисидаги низомларда назарда тутилган ҳолларда тегишли рухсат этиш хусусиятига эга ҳужжатни олиш учун у ёки бу рухсат этиш хусусиятига эга ҳужжатни бериш учун зарур ҳужжатларни тақдим қилишнинг ўзи етарли бўлиши мумкин. Бундай ҳолда тақдим этилган ҳужжатларнинг улар қабул қилиб олинган сана ҳақида белги қўйилган рўйхати
рухсат этиш хусусиятига эга ҳужжатга тенглаштирилади.

10.