Ўзбекистон Республикаси Адлия вазирлиги Япония Халқаро Ҳамкорлик Агентлиги

Рухсат этиш хусусиятига эга ҳужжатни бериш рад этилганлиги ҳақидаги хабарномани тадбиркорлик субъектига ёзма шаклда юбориш (жўнатиш)

Рухсат этиш хусусиятига эга ҳужжатни беришнинг рад қилиш тўғрисидаги қарор қабул қилган ҳолда рухсат этиш хусусиятига эга ҳужжатни бериш рад этилганлиги ҳақидаги хабарнома тадбиркорлик субъектига ёзма шаклда, рад этиш сабаблари, қонун ҳужжатларининг нормалари аниқ ва тадбиркорлик субъекти кўрсатилган сабабларни бартараф этиб, такроран кўриб чиқиш учун ҳужжатларни тақдим этиши мумкин бўлган муддат кўрсатилган ҳолда юборилади (топширилади). Тадбиркорлик субъекти рад этиш сабабларини бартараф этиб ва ҳужжатларни такроран кўриб чиқиш учун тақдим этиши мумкин бўлган муддат рухсат этиш хусусиятига эга ҳужжатни бериш рад этилганлиги ҳақидаги хабарнома олинган кундан эътиборан ўн иш кунидан кам бўлмаслиги керак.
Қонуннинг 20-моддаси нормаларига кўра рухсат этиш хусусиятига эга ҳужжатни бериш рад этилганлиги ҳақидаги хабарномада 1) рад этиш сабаб- лари; 2) қонун ҳужжатларининг аниқ нормалари; 3) тадбиркорлик субъекти кўрсатилган сабабларни бартараф этиб, такроран кўриб чиқиш учун ҳуж- жатларни тақдим этиши мумкин бўлган муддат бўлиши шарт. Фақатгина юқоридаги барча жиҳатлар рухсат этиш хусусиятига эга ҳужжатни бериш рад этилганлиги ҳақидаги хабарномада бўлсагина, белгиланган шаклга риоя қилинганлигини тасдиқлайди. Бошқача сўз билан айтганда, агарда масалан хабарномада рухсат этиш хусусиятига эга ҳужжатни беришни рад қилиш учун бўлиб хизмат қилган асос қонун ҳужжатларининг аниқ нормаларига ҳавола мавжуд бўлмаслиги, тадбиркорлик субъектида рад қилишни шикоят қилиш учун қонуний асоси бўлади.
Рухсат этиш хусусиятига эга ҳужжатни бериш рад этилганлиги ҳақидаги хабарноманинг қатъий шакли мавжуд эмас. Ушбу рад қилиш ваколатли орган- нинг тадбиркорлик субъектига хати шаклида расмийлаштирилиши мумкин. Бунда рухсат этиш хусусиятига эга ҳужжатни бериш рад этилганлиги ҳақидаги хабарноманинг намунавий шакли қуйидаги шаклда бўлиши мумкин: