Zbekiston respublikasi adliya vazirligi toshkent davlat yuridik universiteti

Doimiy funksiyalarga davlat mavjudligi va rivojlanishining barcha bosqichlariga xos bo‘lgan funksiyalar (masalan, iqtisodiy funksiya) kiritilsa, muvaqqat funksiyalarga esa davlat o‘z oldiga qo‘ygan muayyan maqsad va vazifalarni amalga oshirishi bilan o‘z ahamiyatini yo‘qotadigan funksiyalar kiritiladi.
Ijtimoiy ahamiyatiga ko‘ra davlat funksiyalari asosiy va asosiy bo‘lmagan funksiyalarga bo‘linadi.
Davlat funksiyalarini bunday tasniflashni, ya'ni asosiy va asosiy bo‘lmagan funksiyalarga bo‘lishni ko‘pchilik olimlar tanqidiy nuqtai-nazardan baholaydilar. Shuni qayd etib o‘tish joizki, davlatning asosiy va asosiy bo‘lmagan funksiyasi o‘zaro bir birlari bilan bog‘liq bo‘lib, davlatning asosiy bo‘lmagan funksiyasi davlatning asosiy funksiyasini amalga oshirishga yordam beradi.
Davlatning barcha organlari tomonidan o‘zaro hamkorlikda bajariladigan funksiyalar asosiy funksiyalar deyilsa, ayrim davlat organlarigagina xos bo‘lgan funksiyalar esa asosiy bo‘lmagan funksiyalar hisoblanadi.