Zbekiston respublikasi adliya vazirligi toshkent davlat yuridik universiteti

Bashorat funksiyasi. Davlat va huquq sohasining kelajakdagi holatini ilmiy o‘rganish va bashoratlash muhim ahamiyatga ega. Chunki buning natijasida davlat va huquqning istiqboliga oid ilmiy ma'lumotlarga ega bo‘lish mumkin.
1.6. O‘QUV MODULI SIFATIDA DAVLAT VA HUQUQ NAZARIYASINING TUZILISHI

Davlat va huquqqa oid hodisalar, jarayonlar xilma-xil va ko‘p qirralidir. Biroq ularning barchasiga xos bo‘lgan umumiy, muhim, doimiy, uzviy bog‘lanishda bo‘lgan tomonlari va jihatlari ham mavjuddir. Ana shu jihat va tomonlarni bilish mavjud voqyelik to‘g‘risida yaxlit tasavvurlarni keltirib chiqaradi, ushbu voqyelikning umumiy qonuniyatlarini ochish va shu asosda uni boshqarish imkoniyatini yaratadi.

Davlat va huquq nazariyasining predmetiga an'anaviy ravishda fanning umumiy tavsifi (predmet va metod, ijtimoiy va yuridik fanlar tizimidagi o‘rni, davlat va huquqning kelib chiqishi, o‘zgarishi) bilan bog‘liq masalalar kiradi.
Umumiy davlat nazariyasiga taalluqli masalalarga quyidagilar kiradi:

• 
  davlat va uning belgilari, mohiyati, tiplari;
  
• 
  davlat shakllari (boshqaruv shakli, davlat tuzilishi, siyosiy rejim);
  
• 
  davlatning funksiyalari;
  
• 
  davlat mexanizmi.
  

Umumiy huquq nazariyasiga taalluqli masalalar juda keng bo‘lib, bularga:

• 
  ijtimoiy munosabatlarni tartibga solish tizimida huquqning o‘rni;
  
• 
  huquq prinsiplari, shakllari, manbalari, ijtimoiy mohiyati;
  
• 
  huquqiy ong va huquqiy madaniyat;
  
• 
  huquq normalari tushunchasi, belgilari, tuzilishi, turlari;
  
• 
  normativ-huquqiy hujjatlar;
  
• 
  huquqiy tizim va huquq tizimi;
  
• 
  huquqiy munosabatlar;
  
• 
  huquq ijodkorligi, huquqni amalga oshirish va shu kabilar kiradi.
  

Bir guruh mustaqil o‘rganiladigan masalalarga:

• 
  huquqiy xulq-atvor va huquqbuzarlik, uning tushunchasi, turlari, tarkibi;
  
• 
  yuridik javobgarlikning (tushunchasi, belgilari, turlari va boshqalar) asosiy jihatlariga tavsif berilgan.