Ўзбекистон республикаси адлия вазирлиги тошкент давлат юридик институти

13.4. Прокуратура органлари ходимлари 
Прокуратура органларини кадрлар билан таъминлаш – унинг 
фаолиятини ташкил этишнинг асосий элементларидан биридир. Аниқ 
бир мақсадга қаратилган давлат кадрлар сиёсати ҳал қилувчи 
аҳамиятга эга. Мазкур сиёсатсиз иқтисодий, ижтимоий ва бошқа 
катта кўламдаги қайта ташкил этилишлар бўйича мўлжалланган 
тадбирлар тизими самарасиз бўлади. 
Прокуратура органлари фаолияти натижаларини яхшилаш, улар 
ишининг самарадорлигини ошириш тадбирларидан бири бўлиб 
уларни малакали кадрлар билан тегишли равишда таъминлаш 
ҳисобланади. Ушбу муаммонинг долзарблигига Ўзбекистон 
Республикаси Президенти ҳам ўз диққатини қаратади: “ҳуқуқни 
муҳофаза этувчи идоралар – ... прокуратура ходимлари сафларини 
малакали, Ватанга ва ўз бурчига садоқатли, инсофли, ёш, иқтидорли 
ва замон талабига жавоб берадиган кадрлар билан тўлдириш ишлари 
кучайтирилиши лозим”
1
. 
Ҳозирги вақтда кадрлар танлашда “Прокуратура тўғрисида”ги 
Қонун билан белгиланган прокурор, терговчи ва иш ўрганувчи 
лавозимларига тайинланадиган шахсларга қўйилган қуйидаги 
талаблар эътиборга олиниши лозим: 
1. Прокурор, терговчи ва иш ўрганувчи сифатида фақат 
Ўзбекистон Республикаси фуқаролари
бўлиши мумкин.
2. Маълумот табиати ва даражаси. 
Прокурор, терговчи ва иш 
ўрганувчи сифатида фақат олий юридик маълумотга эга бўлган 
шахслар бўлиши мумкин. Эътиборга олиш керакки, Ўзбекистон 
Республикаси Бош прокуратураси ҳузуридаги Солиқ, валютага оид 
жиноятларга ва жиноий фаолиятдан олинган даромадларни 
легаллаштиришга қарши курашиш департаментига хизматга 
кирадиган шахслар учун бир оз бошқача талаблар қўйилади. Хусусан, 
1
Каримов И.А. Халқимизнинг йўли мустақиллик, озодлик ва туб ислоҳотлар йўлидир. Халқ депутатлари 
Хоразм вилояти Кенгаши сессиясида сўзланган нутқ, 1996 йил 16 март // Бунёдкорлик йўлидан. Т.4. – Т.: 
Ўзбекистон, 1996. – Б. 285. 

---

101 
Департаментга хизмат қилиш учун нафақат ҳуқуқшунослик соҳасида, 
балки иқтисодиёт, ахборот технологиялари соҳаларида олий 
маълумотга эга бўлган Ўзбекистон Республикаси фуқаролари ҳам 
қабул қилинади.