Ўзбекистон республикаси адлия вазирлиги тошкент давлат юридик институти

Туманлар, 
шаҳарлар 
прокуратуралари 
ва 
уларга 
тенглаштирилган прокуратуралар. 
Санаб ўтилган прокуратуралар 
Ўзбекистон Республикаси прокуратура органларининг қуйи бўғинини 

---

97 
ташкил этади. Ўз моҳиятига кўра бу Ўзбекистон Республикаси 
прокуратурасининг энг асосий ва кўпсонли бўғинидир. 
Туманлар, шаҳарлар прокуратуралари ва уларга тенглаштирилган 
прокуратураларга тегишли прокурорлар раҳбарлик қилади, улар 
Ўзбекистон Республикаси Бош прокурори томонидан лавозимга 
тайинланадилар ва лавозимдан озод этиладилар. Бу прокурорлар 
юқори турувчи тегишли прокурорга ҳамда Ўзбекистон Республикаси 
Бош прокурорига бўйсунадилар ва уларнинг олдида ҳисобдордирлар.
Туманлар, шаҳарлар прокурорлари ва уларга тенглаштирилган 
прокурорларнинг Ўзбекистон Республикаси Бош прокурори билан 
келишилган ҳолда тегишинча Қорақалпоғистон Республикаси 
прокурори, вилоятлар ва Тошкент шаҳар прокурорлари ҳамда уларга 
тенглаштирилган прокурорлар томонидан лавозимга тайинланадиган 
ва лавозимдан озод этиладиган ўринбосарлари бўлиши мумкин.
Туманлар, 
шаҳарлар 
прокурорларининг 
ва 
уларга 
тенглаштирилган прокурорларнинг катта ёрдамчилари, ёрдамчилари, 
прокуратура катта терговчилари ва терговчилари, иш ўрганувчилари 
тегишинча Қорақалпоғистон Республикаси прокурори, вилоятлар, 
Тошкент шаҳар прокурорлари ва уларга тенглаштирилган 
прокурорлар томонидан лавозимга тайинланадилар ва лавозимдан 
озод этиладилар.
Ўз фаолиятини амалга ошириш давомида бундай прокуратуралар 
ҳудудий прокуратуралар амал қиладиган қонунларга амал қилади, 
барча прокуратура органлари учун умумий бўлган вазифаларни 
бажаради, фақат уларнинг фаолияти махсус объектлар ёки прокурор 
назоратининг алоҳида соҳалари билан чекланади, холос.