Ўзбекистон республикаси адлия вазирлиги тошкент давлат юридик институти

фаолиятининг асосий принциплари 
 
Прокуратура органларини ташкил этиш ва улар фаолиятининг 
принципларини кўриб чиқишга ўтишдан олдин прокуратура ҳуқуқий 
мақомининг тартибга солинишининг қонунчилик манбаи бўлиб 
Ўзбекистон 
Республикаси 
Конституцияси 
ва 
“Прокуратура 
тўғрисида”ги Қонун бўлишини айтиб ўтиш лозим. 
Давлат органи ҳуқуқий мақоми асосини унинг мақсади, 
вазифалари, функциялари ва ваколатларини, шунингдек, бошқа 
органлар орасида эгаллайдиган ҳуқуқий ўрнини белгилайдиган ҳуқуқ 
нормалари ташкил этади. Бироқ давлат органининг расмий ҳолатини 
белгилайдиган ҳуқуқ нормалари орасида биринчи даражали 
аҳамиятга конституциявий-ҳуқуқий қоидалар эга, чунки айнан улар 
умумий статут тавсифлар белгилайди ва жамулжам прокуратуранинг 
конституциявий-ҳуқуқий (конституциявий) мақомини ташкил этади. 
Бошқа кўпчилик давлатлардаги каби Ўзбекистон Республикаси 
Конституциясида 
прокуратурага 
махсус 
ўрин 
белгиланган
1
. 
Ўзбекистон Асосий қонунида прокуратурага бағишланган махсус боб 
(24) назарда тутилган, бу эса давлат механизми тизимида унинг 
мустақил конституциявий мақоми ҳақида далолат беради. 
Конституциянинг 118-моддасида Ўзбекистон Республикаси ҳудудида 
қонунларнинг аниқ ва бир хилда бажарилиши устидан назоратни 
Ўзбекистон Республикасининг Бош прокурори ва унга бўйсунувчи 
прокурорлар амалга ошириши белгиланган. Кўриб турганимиздек, 
қонун чиқарувчи Конституция прокуратуранинг фақат асосий 
нормаларида функциясини кўрсатишни мақсадга мувофиқ деб 
ҳисоблаган. Прокуратуранинг бошқа функциялари Конституцияда 
кўрсатилмаган, лекин прокуратура органлари фаолиятини ташкил 
этиш тартиби ва уларнинг ваколатлари қонун билан белгиланиши 
кўрсатиб ўтилган. 
Прокуратура органларини ташкил этиш ва 
улар