Ўзбекистон республикаси адлия вазирлиги тошкент давлат юридик университети исмоилов бекжон салихович

Тадқиқотнинг амалий натижалари
қуйидагилардан иборат: 
a)
ногиронлиги бўлган шахслар интеграциялашуви ва уларнинг 
ҳуқуқий мақомини янада мустаҳкамлаш бўйича амалга 
оширилаётган комплекс чора-тадбирларнинг ҳуқуқий тавсифи 
аниқлаштирилган; 
b)
ногиронлиги бўлган шахсларга оид терминларни мавжуд ҳуқуқий 
асосларга мувофиқ қўлланилишининг айрим жиҳатлари илмий 
ўрганилган; 
Ногиронлиги бўлган шахслар таълимини ҳуқуқий жихатдан тартибга 
солишда “махсус таълим тўғрисида”ги ва “инклюзив таълим тўғрисида”ги 
қонун лойихаларини ишлаб чиқиш мақсадга мувофиқ эканлиги бўйича 
таклифлар асослаб берилган. Ногиронлиги бўлган шахслар ҳуқуқларини 
таъминлаш тўғрисидаги қонун ва норматив-ҳуқуқий хужжатларни ишлаб 
чиқиш жараёнида ногиронлиги бўлган шахсларга оид атамаларни 
унификациялаштириш бўйича айрим таклифлар илгари сурилган. 

---

10 
Тадқиқот натижаларининг ишончлилиги.
Тадқиқот натижаларининг 
ишончлилиги ишда қўлланилган усуллар, унинг доирасида фойдаланилган 
илмий-назарий ёндашувлар расмий манбалардан олингани, халқаро тажриба 
ва миллий қонунчилик нормаларининг ўзаро таҳлил қилинганлиги, хулоса, 
таклиф ва тавсиялар апробациядан ўтказилиб, унинг натижалари етакчи 
миллий ва хорижий нашрларда эълон қилингани, ваколатли тузилмалар 
томонидан тасдиқлангани билан белгиланади. 
Тадқиқот натижаларининг илмий ва амалий аҳамияти.
Тадқиқот натижаларининг илмий аҳамияти шундаки, ундаги илмий 
хулоса ва амалий таклифлардан ногиронлиги бўлган шахсларни таълим 
орқали ижтимоий ҳимоя қилишнинг назарий-ҳуқуқий асосларини 
такомиллаштириш юзасидан тадқиқот ишлари олиб боришда, «Давлат ва 
ҳуқуқ назарияси» фанини ўқитиш жараёнида ҳамда методик тавсияларни 
тайёрлашда фойдаланиш мумкин.
Тадқиқот натижаларининг амалий аҳамияти ногиронлиги бўлган 
шахсларни таълим орқали ижтимоий ҳимоя қилишнинг назарий ҳуқуқий 
асосларига оид қонунчиликни ҳамда бу борадаги ҳуқуқни қўллаш амалиётини 
такомиллаштириш билан белгиланади.