Ўзбекистон республикаси адлия вазирлиги томонидан рўйхатга олинган

Ҳаракат соҳаси

4. Ушбу БҲМС мулк шаклидан қатъи назар барча хўжалик юритувчи субъектлар томонидан молиявий натижалар тўгрисида ҳисоботни тайёрлаш чогида қўлланилади.

Атамалар

5. Бу стандартда фойдаланиладиган атамалар:

Фавқулодда даромад (зарар) - хўжалик юритувчи субъектнинг одатдаги фаолиятидан аниқ фарқ қиладиган, яъни тез-тез ёки мунтазам содир бўлмайдиган воқеалар ёки битимлар натижасида юз берган даромадлар ёки харажатлар.
Хўжалик умумий фаолияти - хўжалик юритувчи субъектнинг ҳар қандай тадбиркорлик фаолияти бўлиб, унинг оддий фаолияти, шунингдек хўжалик юритувчи субъектнинг келгусидаги тараққиётга, хўжалик юритувчи субъект иқтисодий фойдаларни мустаҳкамлаш ва ўстиришга қаратилган фаолиятидан иборат.
Фаолиятни тўхтатиш - операцияни сотиш ёки топшириш натижаси бўлиб, хўжалик юритувчи субъектнинг активлари, соф даромади ёки зарари ажратиб олинадиган фаолиятнинг асосий йўналиши ёки мазкур хўжалик юритувчи субъектнинг зарарлари ва фаолияти, шу жумладан молиявий ҳисоботини ажратиб олиши мумкин.
Жиддий хатолар - жорий даврда аниқланган хатолар бўлиб, улар шу қадар муҳим бўладики, олдинги даврлар учун тузилган молиявий ҳисоботлар ишончли деб ҳисобланмаслиги мумкин.
Ҳисоб сиёсати - бу бухгалтерия ҳисобини юритиш ва молиявий ҳисобот тузиш учун хўжалик юритувчи субъект қўллайдиган усулларнинг жамламасидир.
Очиб кўрсатиш

6. Молиявий натижалар тўгрисидаги ҳисоботда қуйидагиларни очиб бериш зарур:

6.1. Савдо-сотиқдан тушган соф тушум;
6.2. Савдо-сотиқнинг ялпи молиявий натижалари;
6.3. Асосий фаолиятдан келадиган бошқа операцион даромадлари ва харажатлари;
6.4. Асосий хўжалик фаолияти молиявий натижалари (фойда ёки зарар);
6.5. Молиявий фаолиятга доир бошқа даромадлар ва харажатлар;
6.6. Хўжалик умумий фаолиятининг молиявий натижаси;
6.7. Фавқулодда фойда ва зарар;
6.8. Даромад солиги тўлангунга қадар умумий молиявий натижалар (фойдалар ёки зарарлар);
6.9. Ҳисобот давридаги соф фойда (зарар).