Ўзбекистон миллий университети ҳузуридаги илмий даражалар берувчи dsc

Тарихий воқелик тамойили. Жамият тарихий-тадрижий тараққиѐтида 
фольклорнинг ғурур феноменига таъсир кўлами кенгайиб, имкониятлари 
реаллашиб, вазифаси конкретлашиб, мифология, афсона, ривоят, эртак, мақол ва 
бошқа намуналари шахс ғурурини муайян тарихий воқелик контекстида бадиий 
образларда конкретлаштирган ва умумлаштирган.
Жамият тарихий тараққиѐти жараѐнида ижтимоий-сиѐсий муносабатлар 
тизими такомиллашиб бориши билан ҳар қандай ижтимоий онг шакли ва 
санъат турларининг функционал роли ўзгариб, уларнинг шахс маънавий-
ахлоқий қиѐфасига таъсири самарадорлигини белгилайдиган мезонлари ҳам 
ўзгармоқда. Хусусан, фольклор санъатининг истиқболи ва жамият маънавий 
ҳаѐтидаги аҳамиятига скептик муносабатни бартараф қилиш ва уни 
ривожлантириш учун: 1) жаҳоннинг фольклор санъатини ривожлантириш, 
уни халқ оммасига трансформация қилишга доир илғор тажрибаларини 
умумлаштириш ва ижодий ривожлантириш; 2) фольклор санъати 
ижодкорларининг профессионаллашиш имкониятларини аниқлаб, ҳар бир 
жанрни ривожлантиришга доир миллий дастурларини ишлаб чиқиш; 3) 
фольклор санъатини оммалаштириб, унинг жамият маънавий ҳаѐтига 
таъсирини кучайтирадиган асосий субъекти – халқ ижодкорларини қайта 
тайѐрлаш ва малакасини ошириш тизимини яратиш; 4) фольклор санъатини 
комплекс-системали ўрганадиган ва уни халққа трансформация қиладиган 
махсус илмий марказларни ташкил қилиш; 5) фольклор санъати 
ривожланишига мутасадди ташкилотлар, муассасалар ва ташаббускор 
ижодкорларни рағбатлантириш имкониятларини қидириб топиш муҳим 
аҳамиятга эга. 
ХУЛОСА* 
Диссертация мавзуси бўйича олиб борилган тадқиқот натижаси 
қуйидаги назарий-методологик хулосаларга асос бўлди:
биринчидан, 
Ўзбекистонда 
фольклор 
санъатининг 
тарихий 
анъаналарини тиклаб, халқ орасида кенг тарғиб ва ташвиқ қилишга давлат 
маънавий-маданий соҳани ислоҳ қилиш сиѐсатининг муҳим йўналиши 
сифатида қараши: 1) миллий ғурурни ривожлантиришда фольклорнинг 
назарий ва амалий муаммоларини самарали ҳал қилиш йўллари, усуллари, 
воситалари кўрсатилган назарий-методологик асосларини яратиш; 2) 
миллий-маънавий тараққиѐт манфаатларига мос фольклор санъати тарихий 
намуналарини тўплаш, тизимлаштириш, янгиларини яратаѐтган ижодкорлар 
ва ижрочиларни қидириб топиб, уларни рағбатлантириш; 3) таълим тизимида 

---

18 
ижтимоий-гуманитар фанларни ўқитиш жараѐнида фольклордан мақсадли 
фойдаланишни йўлга қўйиш учун стандартларини қайта кўриб, ўқув 
дастурларига киритиш; 4) оммавий ахборот воситаларида халқ ижоди 
намуналарини мунтазам ѐритиб бориш, фольклор асосида драматик асарлар, 
бадиий фильмлар, телесериаллар яратиш; 5) фольклор санъатини халқ 
орасида кенг ѐйишга мутасадди оммавий ташкилотлар, давлат муассасалари 
фаолиятини уйғунлаштиришнинг комплекс дастурини ишлаб чиқиш зарур. 
Дастурда фольклор санъатини ривожлантиришга доир ташкилий ишларнинг: 
моддий-молиявий ва техник-технологик таъминоти, тарғибот-ташвиқоти 
коммуникацияси имкониятлари ўз ифодасини топиши лозим.