Ўзбекистон “Маҳалла” хайрия жамоат фонди

IV. Меҳнат шартномасининг қўшимча шартлари 
7. Томонларнинг келишувига кўра меҳнат шартномасида 
қўшимча шартлар назарда тутилиши мумкин. Улар томонларнинг 
мажбуриятларини аниқлаши, уларни тўлдириши, ходимга қўшимча 
имтиѐз ва афзалликлар берилишини назарда тутиши мумкин. 
8. Қўшимча шартларга қуйидагилар киритилиши мумкин: 
бир неча касбда ишлаш тартиби ва шартлари кўрсатилган ҳолда 
меҳнат шартномасининг мустақил шарти сифатида бир неча касб 
(лавозим)да ишлаш; 
агар ходим синов муддати билан ишга қабул қилинаѐтган бўлса, 
синовнинг аниқ муддати (қачондан қачонгача); 
агар қонун ҳужжатларида, жамоа шартномасида, бошқа 
битимларда ѐки фуқаролар йиғинининг бошқа ҳужжатларида назарда 
тутилган бўлса, ходимнинг юқори малакаси учун, мураккаброқ 
ишларни бажаргани учун меҳнатга ҳақ тўлашнинг юқорироқ 
микдорларини якка тартибда белгилаш; 
ходим учун белгиланган иш вақти режими (масалан, 
тўлиқсиз иш куни, тўлиқсиз иш ҳафтаси, қисқартирилган иш 
вақти, соатбай иш, иш кунининг бошланиши ва тамом бўлиши, 
бошқалар); 
қўшимча дам олиш кунлари, таътиллар бериш; 

---

7 
ижтимоий-маиший 
тусдаги 
шароитлар 
(масалан, 
болалар 
боғчасида ўрин, санаторий-курортда даволанишга йўлланма билан 
таъминлаш, транспорт хизмати, марказлаштирилган тартибда озиқ-
овқат маҳсулотлари билан таъминлаш, уй-жой бериш ва бошқалар); 
муддатли меҳнат шартномаси қонун ҳужжатларида назарда 
тутилган ҳолларда муддатидан олдин бекор қилинганда неустойка 
тўлаш. 
9. Пул ѐки товар бойликларга хизмат кўрсатувчи ходимлар учун 
меҳнат шартномасида қўшимча тарзда тўлиқ моддий жавобгарлик 
шарти белгиланади. 
V. Меҳнат шартномасини расмийлаштириш 
10. Меҳнат шартномаси бир хил кучга эга бўлган камида икки 
нусхада тузилади ҳамда сақлаш учун ҳар икки томонга берилади. 
11. Меҳнат шартномаси мазкур Услубий тавсияларга илова 
қилинадиган 
меҳнат 
шартномасининг 
намунавий 
шаклда 
расмийлаштирилади. 
12. Шартномада томонларнинг манзиллари кўрсатилади. 
13. Меҳнат шартномаси сана кўрсатилган ҳолда имзолар билан 
тасдиқланади. Фуқаролар йиғини раиси (оқсоқоли) имзосини 
фуқаролар йиғинининг муҳри билан тасдиқлайди. 
14. Ходимнинг талабига кўра меҳнат шартномаси у биладиган 
тилда тузилади ва давлат тилида тузилган шартнома билан бир хил 
кучга эга бўлади. 
15. Ходим билан тузилган меҳнат шартномаси ишга қабул 
қилиш тўғрисида фуқаролар йиғини (унинг кенгаши) қарорини қабул 
қилиш учун асос ҳисобланади. Қарор тузилган меҳнат шартномаси 
мазмунига зид бўлмаслиги керак.