Ўзбекистон иқтисодчилари XIII форуми

9-расм. Ҳаво йўли транспортида шаҳарлараро (республика ҳудудида) ташилган 
йўловчилар сони, млн. киши 
Манба:
Ўзбекистон Республикаси статистика қўмитаси маълумотлари асосида муаллиф 
томонидан тузилган. 
 
Ҳаво йўли транспортида шаҳарлараро (республика ҳудудида) ташилган йўловчилар сонини 
таҳлил қилинганда, кўрсаткич сўнгги йиллар давомида сезиларли даражада ошгани ва 2019 йилга 
келиб, қарийб 700 минг кишига етгани намоён бўлади (9-расм). Карантин таъсири натижаси ўлароқ
маҳаллий авиарейслар ҳам бирқанча муддат ўз фаолиятини тўхтатган ва 2020 йил якунига кўра 3,5 
баробар кам йўловчи ташилган (қарийб 200 минг киши).
1.
 
Муаммолар ва тавсиялар 
Шаҳар транспортида
жорий этилган ислоҳотларда бир қатор камчилик ва 
такомиллаштиришга муҳтож жиҳатлар мавжуд. Жумладан, "
MYBUS
" иловасини фойдаланувчиларга 
янада қулай қилиш ва уни google maps ва 2ГИС каби оммабоп дастурлар билан синхронлаш орқали 
йўловчиларга қулайлик яратиш устида иш олиб борилиши лозим. Шундагина йўналиш танлагандан 
илова фойдаланувчиси, нафақат қайси автобус билан манзилга етиб бориш, балким, бекатда кутиш 
вақтини ҳам аниқлаш имкони ҳам яратилади.
"
Wi-Fi BUS
" лойиҳаси самарадорлиги бўйича таҳлил қилинса, Интернет тезлиги кониқарсиз 
даражада паст бўлганлигини ва бунинг оқибатида йўловчилар ушбу имкониятдан тўлақонли 
фойдалана олмаётганлиги намоён бўлади. Айрим ҳолларда эса ушбу хизмат умуман ўчирилган. Бу 
борада албатта зарур чоралар амалга оширилиши даркор, интернет сифати ва тезлигини сезиларли 
даражада яхшилаш даркор.
Автоматлаштирилган транспорт тўлов тизими 
(АТТО)
лойиҳаси бугунги кунда факатгина 
Тошкент ва Гулистон шаҳарлари ҳудудида йўлга қўйилган. Тизимнинг бутун республика бўйлаб 
татбиқ қилиниши ва қамровини кенгайтириш ишларини жадаллаштирмоқ лозим. Айтиб ўтилганидек, 
лойиҳа бошқа ҳудудларни қамраб олмагани биринчи навбатда автобусда ташилган йўловчилар сони 
бўйича статистик маълумот юқори даражадаги аниқликда эмаслигига сабаб бўлади. Бу эса ўз 
навбатида, йўловчи ташиш самарадорлигини таҳлил қилишда қийинчилик туғдиради. Шу сабабли, 
лойиҳа қамровини тезроқ кенгайтириш, карталардан фойдаланиш жозибадорлигини ошириш учун эса 
чегирмалар миқдорини янада кўпайтириш лозим.
Тошкент метрополитени тизимида жорий қилинган контактсиз тўлов тизими (АТТО) тўлов 
кассаси олдида тўпланувчи навбатни қисқартирган бўлсада, тирбанд вақт даврида метрополитен 
бекатларида йўловчилар оқими жуда катта. Йўловчиларни тирбанд вақтдан ташқари пайтда 
фойдаланишга жалб қилиш учун АТТО карталари эгаларига имтиёзлар ва чегирмалар жорий 
қилиниши мақсадга мувофиқ.