Ўзбекистон халқаро ислом академияси

ГЕНОЦИД ЖИНОЯТИНИНГ ОЛДИНИ ОЛИШ ВА УНИНГ УЧУН 
ЖАЗОЛАШ ТЎҒРИСИДА КОНВЕНЦИЯ 
1948 йил 9 декабрь (Кўчирма) 
1-модда 
Аҳдлашувчи томонлар геноцид у тинч ёки уруш даврида содир этилишидан 
қатъи назар, халқаро ҳуқуқ меъёрларини бузувчи жиноят эканлигини 
тасдиқлайдилар ва улар унинг олдини олиш чораларини кўриш ва уни содир 
этганлик учун жазолаш мажбуриятини оладилар. 
2-модда 
Ушбу Конвенцияда “ геноцид” сўзи остида қайсидир миллий, этник, инқий 
ёки диний гуруҳни шундайлигича ёки қисман йўқотишни мўлжаллаб содир 
этиладиган қуйидаги ҳаракатлар тушунилади.
А) шундай гуруҳ аъзоларини ўлдириш; 
В) шундай гуруҳ аъзоларига жиддий жисмоний ёки ақлий шикаст етказиш; 
С) қайсидир гуруҳни атайлаб тўла ёки қисман йўқ қилишга мўлжалланган 
ҳаётий шарт- шароитлар яратиш; 
D) шундай гуруҳ муҳитида бола туғилишининг олдини олишга 
мўлжалланган чора-тадбирлар; 
Е) болаларни инсонларнинг бир гуруҳидан бошқасига зўрлаб ўтказиш. 
3-модда 
Қуйидаги хатти-ҳаракатлар жазоланишга лойиқ: 
А) геноцид; 
В) геноцид содир қилиш мақсадида тил бириктириш; 
С) геноцид содир этишга тўғридан- тўғри ва ошкора иғвогарлик қилиш; 
D) геноцид содир этишга суиқасд қидиш; 
Е) Геноцидда бирга қатнашиш. 
4-модда 
Геноцид ёки 3-моддада санаб ўтилган қандайдир бошқа хатти-ҳаракатлар 
содир этадиган шахслар улар конституция бўйича жавобгар ҳукумдорлар, 

---

мансабдорлар ёки хусусий шахслар бўлишидан қатъи назар, жазоланишлари 
керак. 
5-модда 
Ушбу Конвенция қоидаларини амалга киритиш учун Аҳдлашувчи Томонлар 
ҳар бири ўзининг конституциявий тартиби бўйича лозим қонун юритишни ва 
жумладан, геноцид ёки 3-моддада эслатилган жиноятлар содир этишда 
айбдор шахсларни жазолашнинг самарали чораларини кўзда тутишни 
зиммаларига оладилар. 
6-модда 
Геноцид ёки 3-моддада санаб ўтилган бошқа хатти-ҳаракатларни содир 
этишда айбланадиган шахслар ана шу хатти-ҳаракат содир этилган ҳудуддаги
давлатнинг ваколатли суди ёки шундай суд қилиш ҳуқуқини тан олган ушбу 
конвенция томонларга нисбатан юрисдикцияга эга бўла оладиган халқаро 
жиноят суди томонидан суд қилинишлари лозим. 
7-модда 
Айбдорларни беришга нисбатан геноцид ва 3-моддада санаб ўтилган бошқа 
хатти-ҳаракатлар сиёсий жиноятлар сифатида кўрилмайди.
Бундай ҳолларда Аҳдлашувчи Томонлар ўз қонунчилигига ва амалдаги 
шартномаларга кўра бериш мажбуриятини оладилар.