Бошланғич ташкилот учун тавсия этиладиган стендлар
НАМУНАЛАРИ
Ўзбекистон ёшлар иттифоқининг
бошланғич ташкилотлари хонасини жиҳозлаш бўйича ТАВСИЯЛАР
Мазкур услубий тавсиялар умумий таълим муассасалари, корхона, ташкилотлар раҳбарлари, Ўзбекистон ёшлар иттифоқининг бошланғич ташкилот Кенгаши аъзолари учун мўлжалланган.
Тавсияда бошланғич ташкилот хонаси, унинг жиҳозлари, зарурий ҳужжатлари ва бошқа масалалар акс этган.
Бошланғич ташкилот хонасига қўйиладиган талаблар:
Бошланғич ташкилот хонаси санитария-гигиена, меҳнат хавфсизлиги қоидалари каби ўқув жараёнини ташкил қилишнинг қатъий талабларига жавоб бериши зарур.
Бошланғич ташкилот хонаси ўқувчилар, талабалар, ишчи ходимлар ва ҳарбий хизматчиларнинг ўз-ўзини бошқарувчи органи - бошланғич ташкилот Кенгашининг самарали фаолияти учун имкон берадиган қулай хоналар билан таъминланган ҳамда мазкур хоналар керакли мебель ва мосламалар билан жиҳозланган хонадир.
Бошланғич ташкилот хонаси Ўзбекистон ёшлар иттифоқининг Устави, Ўзбекистон ёшлар иттифоқининг бошланғич ташкилотлари низомлари ва бошқа тегишли меъёрий-ҳуқуқий ҳужжатлар асосида ташкил этилади.
Хонада Ўзбекистон ёшлар иттифоқининг бошланғич ташкилот фаолиятини самарали ташкил этилиши, тегишли ўқув-услубий қўлланмалар, кўргазмали қуроллар, техник воситалар ҳамда бошқа жиҳозларнинг тартибли сақланиши таъминланади.
Бошланғич ташкилот хонасида фойдаланишда қуйидаги тавсияларга риоя қилиш тавсия этилади: Техника хавфсизлиги: Хонадаги ўқув жиҳозларининг барчаси меҳнат гигиенаси ҳамда хавфсизлик техникаси талабларига тўла жавоб бериши керак.
Эстетик талаблар: Хонадаги ҳар бир жиҳоз ва кўргазманинг умумий кўриниши эстетик қонуниятларга жавоб бериши, сардорлар ва етакчиларнинг бадиий дидини тарбиялашда хизмат қилиши керак.
Техникавий талаб: Буюмлар ва кўргазмаларни тайёрлаш учун ўз вазифасига кўра узоқ муддат яхши хизмат қиладиган, замонавий материаллардан танлаш керак.
Бошланғич ташкилот хонасининг ўқув моддий-техника базаси: Бошланғич ташкилот хонасида қуйидаги жиҳозлар жамланиши керак. Услубий қўлланмалар, услубий адабиётлар, Ўзбекистон ёшлар иттифоқи фаолиятига доир меъёрий-ҳуқуқий ҳужжатлар, бошланғич ташкилот томонидан ўтказилган тадбирлар туширилган видеодисклар, Ўзбекистон ёшлар иттифоқининг муассасадаги ҳаётини ёритувчи ахборот стенди, жадвал кўринишидаги кўргазмали қўлланмалар, иқтидорли ёшларнинг ишлари учун шкаф, ҳужжатлар йиғмажилдлари учун шкаф ҳамда креатив ёндошувга кўра китоб жавони ва бошқа тегишли ҳужжатлар бўлиши талаб этилади.
Бошланғич ташкилот хонасидаги жиҳозлар: Бошланғич ташкилот хонаси Ўзбекистон ёшлар иттифоқининг бошланғич ташкилотлари тўғрисидаги низомлар талабларига мувофиқ зарур бўлган мебель ва жиҳозлари қуйидагилардан иборат:
Ёшлар етакчиси учун иш столи - 1 та;
Кресло ёки стул – 1 та;
Бошланғич ташкилот Кенгаши аъзолари учун стол – 1 та айланма стол (Бошланғич ташкилот учун 5 кишига мўлжалланган);
Бошланғич ташкилот Кенгаши аъзолари учун стул - 5 та;
Флипчарт (пластик доска) ёки синф доскаси - 1 та;
Кўргазмалар учун ойнаванд шкаф -1 та;
Китоблар жавони - 2 та;
Компьютер жамаланмаси - 1 та;
Принтер – 1 та;
Проектор -1 та;
Рақамли фотоаппарат - 1 та;
Давлат рамзлари – 1 жамланма;
Стенд - 1 та;
Пештахта – 1 та;
Иттифоқ шиори акс этган баннер – 1 та;
Девонхона моллари;
Ёшлар учун мўлжалланган газета ва журналлар обунаси бўйича (“Ёшлар овози” ва “Молодежь Узбекистана” газеталари ҳамда “Ёш куч” журнали).
