Ўзбекистон ёшлар иттифоқи қошидаги “Камалак” болалар ташкилотининг н и з о м и I боб. Умумий қоидалар

1-7 синф II БОБ. ТАШКИЛОТНИНГ МАҚСАД ВА ВАЗИФАЛАРИ
2.1. Ташкилот ўзининг асосий мақсадидан келиб чиқиб қуйидаги устувор йўналишларда ўз фаолиятини юритади:
биринчидан, болаларнинг ҳар томонлама ҳуқуқий манфаатларини ҳимоя қилиш;
иккинчидан, болаларни миллий ғоя, умуминсоний ва миллий қадриятлар асосида тарбиялаш, болаларда она Ватанни севиш, ардоқлаш, ўз Ватани билан ғурурланиш ва Ватан тараққиёти учун ўз ҳиссасини қўшиш туйғуларини кучайтириш;
учинчидан, болаларда экологик маданиятни шакллантириш, табиатни муҳофаза қилиш ва асраб-авайлаш кўникмаларини шакллантириш;
тўртинчидан, болаларда инсонпарварлик ва меҳрибонлик фазилатларини тарбиялаш;
бешинчидан, болаларнинг иқтидори ва истеъдодини қўллаб-қувватлаш ҳамда ривожлантириш;
олтинчидан, болалар ўртасида спорт билан шуғулланиш, шахсий гигиена қоидаларига риоя этиш, эрталабки бадантарбия машғулотларини бажариш каби қадриятларни тарғиб қилиш;
еттинчидан, болаларни аждодларимиз ва халқимиз мероси билан яқиндан таништириш, улар ўртасида туризмни ривожлантиришдан иборатдир.

III БОБ. ТАШКИЛОТНИНГ ҲУҚУҚ ВА МАЖБУРИЯТЛАРИ
3.1. Ташкилотнинг ҳуқуқлари қуйидагилардан иборат:
- болалар масалалари билан боғлиқ ташаббус кўрсатиш, болалар ҳуқуқини ҳимоя қилиш, эҳтиёж ва манфаатларини рўёбга чиқариш юзасидан Муассисга ва у орқали давлат ҳокимияти ва бошқаруви органлари, фуқаролик жамияти институтлари, жумладан халқаро ва хорижий болалар ташкилотлари билан ҳамкорлик қилиш;
- белгиланган вазифаларнинг бажаралишини таъминлаш мақсадида давлат, нодавлат ва жамоат ташкилотларининг маблағларини, шу жумладан халқаро ва хорижий ташкилотларнинг грандларини жалб этиш;
- давлатнинг мутасадди органлари томонидан болалар масалалари билан боғлиқ қарорларини ишлаб чиқишда қонунчиликда ўрнатилган тартибда иштирок этиш;
- ўз фаолиятига доир маълумотларни тарқатиш;
- ўз рамзини таъсис этиш;
- ўз фаолияти йўналишлари бўйича йиғилишлар, анжуманлар, семинарлар, давра суҳбатлари ва маданий тадбирлар ўтказиш.
3.2. Ташкилотнинг мажбуриятлари қуйидагилардан иборат:
- қонун ҳужжатлари ҳамда Муассис қарорларида белгиланган талабларга риоя қилиш;
- Муассис ҳамда зарур ҳолларда тегишли вазирлик ва идораларга ўз фаолияти тўғрисидаги ҳисоботларни тақдим этиш.
- болаларнинг ҳуқуқ ва манфаатларини ҳимоя қилиш йўлида болалар ва жамоатчилик олдида жавобгардир;