Ўзбекистон ёшлар иттифоқи қошидаги “Камалак” болалар ташкилотининг н и з о м и I боб. Умумий қоидалар

Ўзбекистон ёшлар иттифоқи қошидаги
“Камалак” болалар ташкилотининг
Н И З О М И


I БОБ. УМУМИЙ ҚОИДАЛАР

1. 
   “Камалак” болалар ташкилоти (матн давомида ташкилот деб юритилади) етти ёшдан ўн тўрт ёшгача бўлган болаларни ихтиёрийлик, ошкоралик, ҳуқуқ ва мажбуриятлар тенглиги тамойили асосида бирлаштирадиган Ўзбекистон ёшлар иттифоқи (матн давомида муассис деб юритилади) қошидаги ташкилотдир.
   
2. 
   Ташкилот фаолиятининг асосий мақсади – болаларни миллий ғоя асосида Ватаннинг содиқ фарзандлари ва комил инсон этиб тарбиялаш, уларнинг ҳуқуқ-манфаатларини ифода этиш ва ҳимоя қилиш, истеъдод ва қобилиятларини намоён қилишлари ҳамда ривожлантиришлари учун шарт-шароитлар яратиб беришдан иборатдир.
   
3. 
   Ташкилот ўз фаолиятини Ўзбекистон Республикаси Конституцияси ва қонунлари, “Бола ҳуқуқлари тўғрисида”ги Конвенция, “Бола ҳуқуқлари кафолатлари тўғрисида”ги Қонун, Ўзбекистон ёшлар иттифоқининг Устави ҳамда ушбу Низом асосида амалга оширади.
   
4. 
   Ташкилот Муассис томонидан тасдиқланган ўз рамзи, белгилари ва кўкрак нишонига, ташкилот (аъзоси)нинг тантанали ваъда матнига эга бўлиши мумкин.
   
5. 
   Ташкилот Қорақалпоғистон Республикаси, барча вилоятлар, Тошкент шаҳри ҳамда уларга бўйсунувчи барча туман (шаҳар)ларда ўзининг тузилмаларига эгадир.
   
6. 
   Ташкилотнинг фаолият муддати чекланмаган, у ўз фаолиятини Ўзбекистон Республикаси ҳудудида Ёшлар иттифоқи ҳомийлигида амалга оширади.
   
7. 
   Ташкилотнинг бош шиори: “Ватан, дўстлик ва бахтли болалик учун!”
   
8. 
   Ташкилотнинг тўлиқ номи:
   

давлат тилида – “Камалак” болалар ташкилоти;
лотин ёзувида – “Kamalak” bolalar tashkiloti;
рус тилида – Детская организация «Камалак»;
инглиз тилида – Children's оrganization «Kamalak».

9. 
   Республика “Камалак” болалар ташкилоти қуйидаги манзилда жойлашган: Тошкент шаҳри, Алишер Навоий кўчаси, 11-уй.