Ўзбекистон давлат жисмоний тарбия институти

12.3. Musobaqani ochilish va yopilish marosimlari

Musobaqalarning turi (birinchiliklar, saralash musobaqalari, chempionatlar, Kubok musobaqalari, xotira musobaqalari, Osiyo yoki Olimpiya o’yinlari va h) va miqyosidan (tuman, viloyat, shahar, Respublika, Osiyo, Ovro’pa, Jahon) qat’iy nazar har bir musobaqa o’ziga xos stsenariy va dastur asosida o’tkaziladigan ochilish hamda yopilish marosimlari bilan farqlanadi. Musobaqaning ochilishi va yopilishiga doir stsenariyda rasmiy dasturlardan tashqari mahaliy, milliy va umumbashariy an’analar, rasm-rusmlar, urf-odatlar hamda udumlarga xos turli ko’ngilochar tadbirlar (san’atkorlar, yozuvchi va shoirlar, davlat va jamoat arboblarining chiqishlari va h) joy olishi mumkin.

Musobaqaning ochilish va yopilish stsenariysida belgilangan dastur avvaldan puxta ishlab chiqiladi, muhokama etiladi va tashkiliy qo’mita tomonidan tasdiqlanganidan so’ng tayyorgarlik jarayoni tashkil etiladi.
Quyida na’muna sifatida musobaqaning ochilish va yopilish marosimiga doir stsenariysi keltirilgan:
- Musobaqaning ochilishi: musobaqaning bosh hakami musiqa sa’dolari ostida ishtirokchi jamoalarni maydonga olib chiqadi va ularni saflantirib joylashtiradi;
- Bosh xakam jamoalar e’tiborini ko’rsatma (komanda) bilan tashkiliy qo’mita “markazi”ga qaratadi va tantanavor ravishda kelib tashkil qo’mita raisiga ishtirokchi jamoalarning musobaqaning ochilishiga saf tortganlari haqida ma’lumot beradi;
- Tashkiliy qo’mita raisi qisqacha musobaqaning maqsadi va ijtimoiy-siyosiy ahamiyati haqida gap yuritib, tabrik so’zini fahriy shaxs (rahbar yoki rahbar nomidan tabriklaydigan shaxsga) ga beradi;
- Tabrik so’zi yakunlanganidan so’ng, bosh xakam ishtirokchi jamoalar nigohini davlat bayrog’i joylashtirilgan tomonga qaratadi;
- Davlat madhiyasi yangraydi, davlat bayrog’i ko’tariladi;
- Davlat madhiyasi tugab, davlat bayrog’i ko’tarilganidan so’ng, bosh hakam musobaqa ishtirokchilariga murojaat qilib, ularga sihat-salomatlik, musobaqa o’yinlarida mahorat va yuksak natijalar tilaydi;
- Bosh hakam ishtirokchi jamolarni musiqa sa’dosi ostida maydondan olib chiqadi;
- Musobaqani ochilishi marosimidan so’ng, musobaqa jadvali bo’yicha birinchi o’yinda ishtirok etadigan jamoalar maydonga tashrif buyurishadi va musobaqa o’yiniga tayyorgarlik ko’rishadi.