Ўзбекистон давлат жисмоний тарбия институти

12.2. Musobaqa Nizomi
(O’zbekiston chempionati misolida)


12.2.1. CHempionatning maqsadi va vazifalari

- O’zbekistonda voleybolni yanada ommalashtirish;

- Voleybolni rivojlantirish va jamoalarning sport mahoratini oshirish;
- Mamlakat yagona sport tasnifi talablariga muvofiq voleybolchilarga sport razryadlarini rasmiylashtirish;
- Kuchli klublarni aniqlash va Osiyo musobaqalarida ishtirok etish uchun mamlakat terma jamoasini tuzish.


12.2.2. Musobaqaga rahbarlik qilish

Musobaqalar FIIB – xalqaro voleybol federatsiyasi tomonidan tasdiqlangan rasmiy qoidalar bo’yicha o’tkaziladi. O’yinlarda “Mikasa” firmasining MV-210 rangli to’plari qo’llaniladi.

Musobaqaga rahbarlik qilish mas’uliyati O’zbekiston voleybol federatsiyasiga yuklatiladi.
Musobaqa o’yinlarini Respublika hakamlar uyushmasi tomonidan tasdiqlangan hakamlar guruhi boshqaradi. Musobaqaning bosh hakami vazifasiga – milliy toifadagi hakam ........... tayinlanadi.
Jamoalarni qabul qilish, joylashtirish va musobaqa o’tkazish joylarini tayyorlash musobaqa o’tkazilayotgan shag’ar klubi zimmasiga yuklatiladi.
Mehmonxona, ovqatlanish va safar xarajatlari muvofiq jamoa-klublari tomonidan qoplanadi.


12.2.3. Musobaqa o’tkazish joyi va vaqti

CHempionatni o’tkazish tartibi, tizimi, joylari va vaqti ishtirokchi jamoalar soniga qarab chempionatdan 1 oy oldin e’lon qilinadi.

12.2.4. Musobaqa ishtirokchilari

CHempionatda klublar jamoalari, ko’ngilli sport jamiyatlari, tashkilot va korxonalar, viloyatlar, Qoraqalpog’iston Respublikasi va Toshkent shahar terma jamoalari ishtirok etishi mumkin.

O’zbekiston voleybol federatsiyasining ijroiy qo’mitasi qaroriga muvofiq chempionatda ishtirok etish istagini bildirgan jamoalar O’VF hisob raqami ............ ga ............ so’m miqdorida a’zolik badali uchun mablag’ o’tkazishlari lozim. CHempionatda ishtirok etishni tasdiqlovchi habarnoma ....... yil ...... oktyabrgcha taqdim etilishi shart. Ushbu muddatdan kech taqdim etilgan habarnoma qabul vilinmaydi va jamoa chempionatda ishtirok etish huquqidan mahrum qilinadi.
CHempionatda ishtirok etish huquqini olgan jamoa tarkibi 22 kishi, shu jumladan 18 nafar o’yinchilar, 2 ta trener, shifokor va jamoa rahbaridan iborat bo’lishi mumkin.
Jamoa tarkibiga ko’pi bilan 2 nafar chet el o’yinchilari federatsiya ruhsati bilan jalb qilinishi mumkin.