Ўзбекистон давлат жисмоний тарбия институти

7.4. Himoyada qo’llaniladigan yakka taktik harakatlarga o’rgatish

Himoyada qo’llaniladigan yakka taktik harakatlarning asosiy maqsadi – raqib jamoa o’yinchilari hatti-harakatini kuzatish va aniqlash, to’p kiritishdan, xujum zarbasidan, to’siqdan qaytgan to’plarni “olish” uchun joy tanlash va ularni yo’nalishiga qarab, o’z vaqtida zarur joyga etib kelish, eng maqbul himoya usulini tanlash, qo’riqlash (straxovka) joyishi bilish va shunga asosan harakat qilish, zarba yo’nalishini oldindan payqab olish va to’siq qo’yishdan iborat.

Joy va to’pni qabul qilish usulini tanlash. Tayyorlov va yondoshtiruvchi mashqlar.
1. Oldingi (xujum zonalari) chiziq atrofida ikki xujumchi bir-biriga to’ldirma to’pni tashlaydi, kutilmaganda ularning biri sakrab to’pni to’r ortiga irg’itadi. Qarshi maydonchada turgan ikki himoyachi o’z vaqtida joy tanlab, to’pni ilib olishi lozim.
2. To’pni pastdan ikki qo’llab, yuqoridan ikki qo’llab, pastdan bir qo’llab yiqilib to’pni qabul qilish uchun 2 ta yoki 3 ta to’p turli balandlikka osilib qo’yiladi. Maxsus signal bo’yicha o’yinchi u yoki bu qabul usulini bajaradi.
Texnikaga oid mashqlar.
1. YUqoridan kiritlgan to’pni pastdan ikki qo’llab, pastdan kiritilgan to’pni yuqoridan ikki qo’llab qabul qilish. To’p kiritish goh yuqoridan goh pastdan amalga oshiriladi.
Ushbu mashqlar juftlikda yoki bir necha to’p kirituvchi ishtirokida bajariladi.
2. 3 ta shug’ullanuvchi oldingi chiziq ortida 4,3 va 2 zonalarda joylashadi va qarshi maydonning 3 zonasida turgan 4 chi o’yinchini kuzatadi. 4 chi o’yinchi o’z ustiga to’p tashlab kutilmaganda to’pni sakrab to’r ortiga 4,3,2 zonalarning biriga yo’llaydi. To’p yo’naltirilgan joyda turgan o’yinchi to’pga o’z vaqtida chiqib, eng maqbul usul yordamida uni qabul qiladi.
3. Hujum zarbasidan qaytgan to’pni pastdan ikki qo’llab, pastdan ikki va bir qo’llab yiqilib, yuqoridan ikki qo’llab yiqilib qabul qilish. Zarbani qarshi maydondan trener yo’llaydi. Zarba chalg’ituvchi sekin to’p tashlash bilan almashtirilib turiladi.