Ўзбекистон бадиий академияси камолиддин бехзод номидаги миллий рассомлик ва дизайн институти

К.Акилованинг “Народное декоративно-прикладное искусство 
Узбекистана. 
ХХ 
век” 
китоби 
санъатшунослар, 
тарихчилар, 

---

8 
маданиятшунослар, халқ усталари ва китобхонларнинг кенг оммасига 
мўлжалланган. Мазкур китобда халқ амалий санъатнинг долзарблиги,
ХХ аср амалий санъатдаги анъаналар давомийлигининг муаммоси бутун 
мажмуасида берилган, шунингдек Ғарбий Оврўпо тарихида халқ 
санъатининг ривожланиш муаммоси, Россия тарихий контекстида халқ 
санъатини маданий воқеа сифатида тадқиқ этиш ва Ўзбекистонда бу 
санъат турини ўрганиш муаммолари каби масалалар турибди. Бадиий 
ўзига хослик аспектида маҳаллий марказлар, ислом поэтикаси ва 
Ўзбекистон халқ санъати, замонавий арт – бозор кўринишида халқ амалий 
санъатини ўрганишдаги ижтимоий аспекти каби масалалар ёритилган.
ЮНЕСКО ташкилоти томонидан нашр этилган, муаллифлар 
Ш.Абдуллаева, Г. Турсунова, К.Мусабаеваларнинг “Каштачилик” тикиш 
ва безаклар бўйича ўқув қўлланмасида, жамоат таълим марказларида ўзбек 
халқ амалий санъатининг нодир намуналаридан бўлган каштачиликни 
тикув машиналари ёрдамида тикишга ўргатиш ва шу орқали ушбу амалий 
санъат турини оммалаштиришга мўлжалланган. Мазкур қўлланмада 
каштачилик тарихи, услублари, техникаси, миллий анъаналарга хос 
қирралари каби масалалар ёритилган. Қўлланмада бошланғич ва 
анъанавий безаклар, ҳақида маълумотлар берилганлиги сабабли, у нафақат 
ўрганувчилар, балки мутахассислар учун ҳам фойдалидир.
“Ўзбек халқ амалий санъати” номли катта китобда Ўзбекистон 
Давлат санъат музейи, Ўзбекистон тарихи Давлат музейи ва
И.В. Савицкий номидаги Қорақалпоғистон Республикаси Давлат санъати 
музейи коллекцияси тақдим этилган. Унда амалий санъатнинг кулолчилик, 
гиламдўзлик, заргарлик, каштачилик ва бошқа турлари бевосита сифатли 
рангли иллюстрация орқали кўрсатилиб, асарларни бадиий шакли ва 
ифодавий воситаларини аниқ кўриш имконини беради. Хусусан, 
дўппиларнинг хилма-хиллиги – қуббасимон, тўртбурчак, думалоқ, 

---

9 
гумбазсимон шакллари, уларнинг кашта безакларининг бойлиги баъзан 
тўрсимон, баъзан йирик рельефли, баъзан гиламга ўхшаш тус олиши, одми 
оқ-қорадан тортиб камалаксимон жилоланишигача рангларининг анвойи 
товланиши –ўзбек бош кийимининг хилма-хиллигини кўрсатади. Умуман, 
XIX аср ва XX асрнинг бошларида дўппиларда ҳар хил маҳаллий 
хусусиятлари шу қадар аниқ берилганки, уни кийган кишининг асли 
қаерданлигини аниқлаш осон бўлган.