Ўзбекистон архитектура ва шаҳарсозлигининг янги босқичидаги ижтимоий сиёсий ҳаёт билан боғлиқлиги. Ҳукумат қарорлари

Тошкентнинг тарихий ,«Эски шахар» кисмининг тулик режалаштирилган лойихаси.
(Тошбошплан ЛИТИ)
Шаҳарсозликдаги энг долзарб муаммолардан бири бўлиб келган Тошкентнинг аҳоли зич яшайдиган "эски шаҳар" қисми мустақиллик шарофати билан том маънода қайтадан бунёд этилмоқда. Фаробий, Сағбон, Қорасарой каби қадимий тор кўчалар таъмирланиб, улар ўрнида замонавий магистраллар, мухандислик иншоотлари ўгказилди, янги турар жой бинолари қурилмоқда. Аҳоли турмушини замон талабларига мослаш мақсадида оммавий транспорт, канализация, иссиқ сув каби қулайликлар билан таъминланди. Масжид ва мадрасалар таъмирланиб, халқ хизматига топширилмоқда, янги маданий-маиший, савдо-сотиқ дўконлари қурилмоқда.
Тошкент тарихий қисмини қайта қуриш амалиёти сўнгги йилларда талай ишлар қилинганидан гувоҳлик беради. Жумладан “Эски Тошкент” ҳудудида кенг миқёсда маҳалла бўлиб яшаш тамойили тикланган. Шимоли-ғарб, Шаҳристон, Олмазор-Ўқчи, Қоратош, Кўкча ва ҳ.к.лар қайта қурилиб, гузарлар, маҳалла марказлари бошқатдан тикланди.

Эски шаҳар ва Юнусободни боғловчи янги йўл ва кўприклар қурилиши шу йўналишда транспорт ҳаракатини тезлаштирди ва тартибга солди.
Арзон ва эски турар-жойлар бўлган майдонларда каттежлар, паст қаватли ва кўп хонадонли турар-жой уйлари, савдо муассасалари, спорт мажмуалари ва янги жамоат бинолари қурилмоқда.
Ана шундай бунёдкорлик ишлари Самарқанд, Бухоро, Кўқон, Наманган каби тарихий шаҳарларнинг "эски шаҳар" қисмларида хам амалга оширилаётгани катта ютуқларимиздан биридир.