Ўзбекистон алоқа ва ахборотлаштириш агентлиги тошкент ахборот технологиялари университети м. С. Сапаев У. Т. Алиев

Силлиқловчи фильтрлар

Турли ўзгарувчан токни тўғрилаш схемаларини ўрганишда маълум бўлдики, тўғриланган кучланишнинг оний қиймати ўзгармас эмас, балки Фурье қатори орқали аниқланади [5,10,12]. У ўзгармас ташкил этувчидан ва ўзгарувчан гармоникалар йиғиндисидан иборат бўлади. Ўзгарувчан гармоникаларнинг ƒ_п=mƒ_т частотали биринчи гармоникаси энг катта қийматига эга бўлади. У ҳолда биз тўғриланган кучланишнинг пульсация коэффициентини аниқлаймиз:

, (5.27)

бу ерда k-гармоника номери.
Пульсация коэффициентини ток учун ҳам аниқлаш мумкин: K_пI =I_~/I₀. Актив юкламада K_пи=K_пI, комплекс юкламада эса K_пи≠K_пI, бўлади. Кўпинча юклама таъминот кучланиши пульсация коэффициентини тўғрилагич чиқишидаги пульсация коэффициентидан кичик бўлишини талаб қилади. Бунда пульсацияни камайтириш учун тўғрилагич чиқишига силлиқловчи фильтр қўйилади.
Лекин шундай занжирлар борки, уларда ҳалақитлар фақат амплитуда орқали эмас, кучланиш ички гармоникалари орқали ҳам пайдо бўлиши мумкин, турли частотали тебранишларга турлича сезгирликка эга бўлади. Инсон 20 Гц...20 кГц частоталар диапазонидаги товушларни эшита олади, сигналлар қувватлари бир хил бўлганида 600 дан 2000 Гц ўрта частоталардаги товушлар қаттиқроқ эшитилади.
Шунинг учун, микротелефон занжирлари ва инсон қулоғини ҳисобга олганда турли частотали гармоникалар таъсирини аниқлайдиган α_к халақитлар параметрик коэффициенти тушунчаси киритилади (5.19−расм). У тажрибада аниқланади ва 800 Гц частотали гармоникада 1 га тенг бўлади.
Бошқа частотали гармоникаларнинг нисбий таъсири α_к коэффициент қийматлари орқали характерланади.
Силлиқловчи фильтрнинг пульсацияни камайтириш қобилияти фильтр киришидаги (тўғрилагич чиқишидаги) пульсацияни, унинг чиқишидаги (юкламадаги) пульсация коэффициентига нисбатига тенг бўлган силлиқлаш коэффициенти орқали баҳоланади.


(5.28)

бу ерда U_01m; U_ю1m–ўзгарувчан ташкил этувчининг асосий (биринчи) гармоникасининг фильтр кириши ва чиқишидаги амплитудалари; U₀; U_ю– фильтр кириши ва чиқишидаги кучланишнинг ўзгармас ташкил этувчилари.

Ф