Ўзбекистон алоқа ахборотлаштириш агентлиги

Fanning maqsad va vazifalari

Fanning maqsadi turli dasturlash tizimlarida tekshirish va testlash usullari, dasturiy ta’minotni ishlab chiqish bo‘yicha nazariy va amaliy bilimlarni egallash.

Fanni vazifasi – talabalarni turli xil dasturiy ta’minot turlari bilan tanishtirish, ularni testlash, tekshirish va o‘quv jarayonlariga tatbiq etish usullarini o‘rgatishdan iboratdir.


Fan bo‘yicha talabaning malakasiga qo‘yiladigan talablar

Talabalar “Dasturiy vositalarni testlash” fanini o‘rganish jarayonida quyidagilarni bajara olishi lozim:

• 
  Dasturiy ta’minot va uning xillari haqida tasavvurga ega bo‘lishlari;
  
• 
  Dasturiy ta’minotni tekshirish turlari, testlash algoritm va usullarini bilishlari va ulardan foydalana olishlari;
  
• 
  yangi dasturiy ta’minotni ishlab chiqish va o‘quv xamda ishlab chiqarish jarayoniga tadbiq etish ko‘nikmasiga ega bo‘lishlari shart va lozim.
  

O‘quv rejadagi boshqa fanlar bilan bog‘liqligi

“Dasturiy vositalarni testlash” fanini o‘zlashtirish quyidagi fanlardan yetarli bilim va ko‘nikmalarni talab qiladi: “Dasturlash texnologiyasi», «Informatika», «Matematik modellashtirish», «Oliy matematika» va «Ma’lumotlar tuzilmasi va algoritmi». Bundan tashqari o‘quvchi talabalar biror bir dasturlash tilida dastur yaratish tajribasiga ega deb qaraladi.

Mazkur fan bo‘yicha olingan bilim va ko‘nikmalar “Tizimli dasturiy ta’minot”, “Ob’yektga yo‘naltirilgan dasturlash” fanlarini o‘rganishda hamda kurs va bitiruv ishlarini tayyorlashda katta yordam beradi.


Fanni o‘qitishda zamonaviy axborot va pedagogik texnologiyalar

Talabalarning “Dasturiy vositalarni testlash” fanini o‘zlashtirishlari uchun, o‘qitishning ilg‘or va zamonaviy usullaridan hamda yangi pedagogik,informasion texnologiyalardan foydalanish muhim ahamiyatga ega.

O‘quv fanini talab darajasida o‘zlashtirish uchun uni o‘qitish jarayonida o‘qitishning interfaol usullaridan;kichik guruhlarda ishlash, aqliy xujum, muammoli o‘qitish hamda turli innovasion metodlardan foydalanib talabalarning erkin va mustaqil ishlashini samarali tashkil etish maqsadida ularga qo‘yilgan o‘quv vazifalarini mustaqil bajarishni tashkil etish maqsadida axborot texnologiyalari hamda axborot ta’lim muhitidan foydalanish ko‘zda tutiladi.
O‘quv jarayoni bilan bog‘liq ta’lim sifatini belgilovchi holatlar quyidagilar: yuqori ilmiy-pedagogik darajada dars berish, muammoli ma’ruzalar o‘qish, darslarni savol-javob tarzida qiziqarli tashkil qilish, ilg‘or pedagogik texnologiyalardan va mul’timedia vositalaridan foydalanish, tinglovchilarni undaydigan, o‘ylantiradigan muammolarni ular oldiga qo‘yish, talabchanlik, tinglovchilar bilan individual ishlash, erkin muloqot yuritishga, ilmiy izlanishga jalb qilish.
“Dasturiy vositalarni testlash” kursini loyihalashtirishda quyidagi asosiy konseptual yondoshuvlardan foydalaniladi: