Ўзбекистан Республикаси Олий ва ўрта махсус таълим вазирлиги Термиз давлат университети

Кредитларни расмийлаштириш тартиби, кредит олиш учун қарз олувчи банкка қуйидаги ҳужжатларни тақдим этади:
а) кредит миқдори, фойдаланиш муддати, мақсади, таъминоти кўрсатилган кредит аризаси;
б) қарз олувчининг таъсис хужжатлари (нусхаси);
в) кредит ҳисобидан моддий бойликлар сотиб олиш (ишлар бажариш, хизматлар кўрсатиш) учун қарз олувчи томонидан тузилган шартнома (контракт)лар ёки аҳдлашув баённомасининг нусхалари;
г) охирги ҳисобот даври учун Ўзбекистон Республикаси Молия вазирлиги томонидан тасдиқланган шаклдаги бухгалтерия баланси.
ги маълумотлар;
д) бизнес-режа.
ж) кредит таъминотига доир ҳужжатлар.
Зарур ҳолларда, банк қарз олувчидан сўралаётган кредит хусусиятидан келиб чиққан ҳолда бошқа маълумотларни талаб қилиш ҳуқуқига эга.
Банкнинг тегишли кредит бўлими ходими талаб қилинган ҳужжатлар тўпламини олиб, уларни синчиковлик билан ўрганиб чиққач, қарз олувчининг кредит қобилиятини ва тўлов лаёқатини аниқлайди ҳамда кредит хизмати кўрсатиш мумкин ёки мумкин эмаслиги тўғрисида хулоса тайёрлайди. Унда қуйидагилар акс этади:

• 
  кредит мақсади, муддати ва миқдори (фоизлар);
  
• 
  қарз олувчининг устав фаолияти кредит мақсадларига мослиги;
  
• 
  қарз олувчининг кредит қобилияти;
  
• 
  қарз олувчининг кредит тарихи;
  
• 
  КАМИга (ёки банклараро Кредит Бюроси) юборилган 9-ва 10–сўровлар натижасида олинган маълумотлар;
  
• 
  асосий қарз ва унинг фоизлари ўз вақтида тўланишини таъминлаш бўйича қарз олувчининг молиявий имкониятлари;
  
• 
  бизнес режа таҳлили;
  
• 
  кредит таъминоти етарлилиги ва назорат қилиниши;
  
• 
  қарз олувчилар, гаровга қўювчилар, кафиллар ҳамда уларнинг
  бошқарув органларида тегишлича банк кредитларини жалб этиш,
  мулкни гаровга қўйиш ва кафолатлар бериш ваколати борлиги;
  
• 
  кредит бериш билан боғлиқ хатар даражаси;
  
• 
  кредит шартномаси кучга кириши шартлари.
  

Шунингдек кредит бўлими хулосасида мижознинг кредит лаёқатини скоринг-таҳлил тизими асосида аниқланган ҳолати ҳам ўз аксини топиши керак.
Ҳар бир кредит таклифи тегишли кредит бўлимининг кредитни бериш ёки рад этиш ҳақида хулосасига эга бўлади.