Ózbekistan respublikasi awil xojaliği ministrligi b. Yo. Toxtaev, E. T. Ахmеdоv, V. T. Qaysarov DÁrilik ósimlikler introdukciyasi

Suwıqqa shıdamlılıǵı. O. F. Mizgiryovaniń (36 ) maǵlıwmatlarında, bul ósimliktiń tábiy sharayatta qısqa shıdamlı ekenligi jazılǵan. Biraq qısda tungi temperaturanıń tómenlewi (-10 S) hám kúndiz temperaturanıń 15 S ǵa kóteriliwi, nállerdıń dáslepki jılda zaqım aliwina alıp keler eken. Boku Botanika boǵı oshıq jerlerinde óstirilgen ósimliklerdiń suwıqqa shıdamsızliǵi ádebiyatlarda keltirilgen. N. B. Belyanina (18) bul ósimliktiń Moskva oashıq jerlerinde jer ústki bólimi jabılǵanda, suwıqqa shıdamlı ekenligin hám oranjareya sharayatında bunıń jetkiliklishe rawajlanǵanlıǵın aytıp ótken. Doneck sharayatında bolsa, bul ósimlik suwıqqa shıdam bermegenligi tuwrısında da maǵlıwmatlar bar. Yu. M. Murdaxaevdıń (39 ) maǵlıwmatlarında, UzR FA Botanika bogi sharayatında jas nállerdıń suwıqqa shıdamsız ekenligi jazıldı. Ilimiy izertlewler jas náller hám úlken jas daǵı ósimliklerdiń suwıqqa shıdamlı ekenligin kursetti. Atap aytqanda, kesh báhár (1999 y) aprel ayında hawa temperaturasınıń (-2 S penenga) tómen keliwi, nállerdıń rawajlanıwına unamsız tásir kórsetpeydi, yaǵnıy úlken jas daǵı ósimliklerde vegetativ hámde generativ orgonlardıń zıyanlanıwı baqlawlar dawamında jazıldı. Jas náller intradukciya processinde jańa ortalıq tómen temperaturasına da iykemlesiw ózgesheligine iye esaplanadı. Soǵan kóre, bul ósimlik I. P. Lapinniń (28) ósimliklerdiń suwıqqa shıdamlılıǵı shkalasına tiykarlanǵan túrde I-klasqa tán dep tabıldı.