Ózbekistan respublikasí informaciyalíq texnologiyalarí HÁm kommunikaciyalaríN

Wazıypası boyınsha antennalar shártli túrde tómendegi túrlerge bólinedi:

• 
  radiouzatqısh sistemalarınıń antennaları;
  
• 
  radiobaylanıs stansiyaları (sonday-aq RRL) antennaları;
  
• 
  radiolokatsion antennalar;
  
• 
  television antennalar;
  
• 
  radioastronomik antennalar.
  

Bul gruppalardan hár biri túrli konstruktiv jıynalǵan antennalarga ıye bolıwı múmkin.
Islew principi hám konstruktiv atqarılıwı boyınsha antennalar tómendegishe bólinedi:

• 
  sımlı (vibrator) antennalar, olar ayırım jaǵdaylarda diametrleri tolqın uzınlıǵı menen teńlestirse bolatuǵın jińishke sımlar yamasa qalın trubalardan (tolqın uzınlıǵına salıstırǵanda) tayarlanadı ;
  
• 
  optik túrdegi antennalar (metall ayna-reflektorlar hám linzalar);
  
• 
  akustik túrdegi antennalar (metall ruporlar);
  
• 
  sirt tolqınları antennaları (dielektrik antennalar, dielektrik qatlamlı yamasa udayı tákirarlanatuǵın strukturalı metall sterjen yamasa tegis antennalar);
  
• 
  tırqıshlı (difraksion) antennalar;
  
• 
  aylanatuǵın polyarizatsiyalı elektromagnit tolqınlardı nurlantıratuǵın antennalar (spiralli, xochsimon hám basqalar).
  

Kóplegen antennalarda tiykarǵı nurlandırıwshı elementler sıpatında simmetrik vibratorlar qollanıladı.
Izotrop nurlantırǵısh
Izotrop nurlantırǵıshı degende elektromagnit energiyanı barlıq táreplerge bir tegis hám birdey nurlantıratuǵın apparat túsiniledi.
Bıraq ámelde baǵıtlandırılmaǵan nurlandırǵıshlar joq. Hár bir uzatıw antennası, hátte eń ápiwayıları energiyanı tegis emes nurlantıradı hám maksimum energiya nurlantırılatuǵın jónelis mudami ámeldegi boladı.
Eń ápiwayı yamasa elementar nurlantırǵısh sımnıń qálegen noqatındaǵı amlitudası hám fazası birdey bolǵan elektr tokı aǵıp ótetuǵın, tolqın uzınlıǵına qaraǵanda júdá qısqa sımnan shólkemlesken elektromagnit elektr vibrator esaplanadı. Elementar vibratordıń ámeliy modeli Gers dipolı esaplanadı. Gers dipolı nurlanıwı maydanıń strukturası dipolǵa perpendikulyar bolǵan tuwrı sızıqta jatatuǵın noqatda maksimumǵa iye boladı. Dipol boylap maydan nólge teń boladı.