Ózbekistan respublikasí informaciyalíq texnologiyalarí HÁm kommunikaciyalaríN

Wi-Fi texnologiyası házirgi kúnge kelip kompyuter áleminde eń perspektiv kompyuter tarmaq tarmaqlarınan biri esaplanadı. Wi-Fi (Wireless Fidelity) — anglichan tili sózlerinen shólkemlesken bolıp, «simsiz wapalıq» mánisin ańlatadı. Wi-Fi texnologiyası dep cifrlı maǵlıwmatlardı radiokanallar arqalı jıberiw túrlerinen biri bolıp tabıladı. Bul texnologiya jaratılıwında áwele korporativ paydalanıwshılar ushın mólsherlengen bolıp, kabelli tarmaqtı ornın iyelewi boljaw qılınǵan edi. Bilgenimizdey álbette kabelli tarmaqlı kompyuter tarmaǵın jaratıw ushın bir neshe mıń kabel tarmaǵın qolda ornatıw hám de arnawlı tarmaq tapologiyasini ornatıw talap etiliwin hámme biliwligi anıq. Wi-Fi — radiochastotalarning qısqartirilgan basqarıw chastotalarında isleytuǵın sımsız maǵlıwmat almasınıw standartlastırılgan texnologiyası. Ádetde Wi-Fi tarmaǵı arqalı WLAN (Wireless Local Area Network — Sımsız Lokal Tarmaq tarmaqlar jaratıladı.
2.2 Sımsız baylanıs tarmaqlarınıń antennaları hám olardıń όzine say όzgeshelikleri
Radiotolqınlardı uzatıw hám qabıllaw ushın mólsherlengen apparat antenna dep ataladı. Ógeriwsheń tokti ótkeretuǵın hár qanday dene elektromagnit tolqınlardı nurlantıra aladı. Bul nurlanıw sezilerli bolıwı hám ámeliy maqsetlerge xızmet ete alıwı ushın denbeniń ólshemleri nurlantırılatuǵın terbelislerdiń tolqın uzınlıqları menen teńlestirse bolatuǵın bolıwı kerek.
Kvazistatsionar sistemalarda bunday elementler, mısalı, uzınlıǵı tolqın uzınlıǵına qaraǵanda kishi bolatuǵın induktivlik katushka, kondensatorlar esaplanadı, olar boylap terbelislerdiń tarqalıwın esapqa almasa da boladı (júdá qısqa tolqınlardan tısqarı). Eger bunda energiyanıń ıssılıq joytıwları esapqa alinbasa, ol halda bunday sistemalarda tok hám kernew arasındaǵı fazalardıń jılısıwı 90°tı quraydı jáne bul sistemalar aktiv quwattı jutpaydı, nátiyjede nurlantırmaydı da. Eger ol yamasa bul sistema boylap terbelislerdiń tarqalıwı qanday da waqıt aralıǵına keshikse, ol halda sistemanıń ushlarında 90⁰qa qosımsha tok hám kernew arasındaǵı fazalardıń jılısıwı (sos j) payda boladı. sos j noldan parqlı bolıp qalıwı menen sistema tok dáreginen energiyanı tutınıw etedi jáne onı nurlantırıwǵa sarplaydı.
Uzınlıǵın tolqın uzınlıǵı menen teńlestirse bolatuǵın ótkeretuǵın dene nurlantırıw sisteması retinde qollanılıwı eń qolay boladı. Bul halda tok hám kernew arasındaǵı fazalardıń jılısıwı artadı, bunda ótkeriwshiniń nurlantırıw qábileti artadı.
Uzatıwshı antenna generator payda etetuǵın joqarı chastotalar tokları energiyasın elektromagnit tolqınlar energiyasına ózgertiriledi.
Qabıl etiwshi antenna teris wazıypanı atqaradı, qabıllaǵıshtıń shıǵıwında joqarı chastotalar kernewin payda etedi.
Óz-aralıq principine tiykarınan qálegen uzatıwshı antenna ol qabıllaw antennası retinde isletilingeninde konstruktiv tárepten parıqlanıwı múmkin bolsada, óz tiykarǵı xarakteristikaların saqlaydı.
Óz-aralıq principi qabıllaw hám uzatıw antennaları qaytar ózgesheligine iye ekenliginen ibarat.
Hár qanday antenna da qabıllawda uzatıw antennası bolıwı múmkin. Antenna radiochastotalar energiyasın qanshelli jaqsı nurlantırsa, ol sonshalıq onı jaqsı qabıl etedi.
Sol sebepli, uzatıw antennalarınıń teoriyası hám esaplaw usılları ápiwayı hám jaqsı islep shıǵılǵan eken, ol halda qálegen qabıllaw antennasın uzatıw antennası retinde esaplaw múmkin hám óz-aralıq principine tiykarınan alınǵan nátiyjelerdi qabıllaw rejimi ushın qollaw múmkin.
Zamanagóy radioelektron apparaturalar millimetrdiń úleslerinde on mińlaǵan metrlerdegi tolqın uzınlıqları diapazonlarında isleydi. Antennalardıń konstruktiv ayriqsha qásiyetleri, sonıń menen birge olardıń xarakteristikaları sezilerli dárejede antennalar islewi kerek bolatuǵın tolqınlar diapazonlarına baylanıslı boladı.