Ўзбек тили, адабиёти ва фольклори институти ҳузуридаги илмий даражалар берувчи dsc

Тадқиқотнинг усуллари. 
Тадқиқотда тавсифлаш, таснифлаш, 
компонент таҳлил, функционал-семантик, қиёсий-тарихий, тарихий-генетик 
ҳамда статистик таҳлил усулларидан фойдаланилди. 
Тадқиқотнинг илмий янгилиги 
қуйидагилардан иборат: 
замонавий ўзбек луғатчилигининг асослари жадид маърифатпарварлари 
томонидан яратилганлиги, уларнинг туркий (ўзбек) луғатчиликка замонавий 
лексикографик тамойилларни олиб кирганлиги асосланган; 
давр луғатларининг мазмуни (контент) ва тузилиши (структураси)ни 
ёритишда аввалги ва кейинги давр ҳамда ўз даври манбаларига қиёслаш 
усулининг афзаллиги кўрсатилган; 

---

10 
бир тилли луғатларга сўз танлаш, уларни изоҳлаш ва далиллашда 
анъанавий ва замонавий лексикографик тамойиллар уйғунлаштирилганлиги 
очиб берилган;
таржима луғатларида русча сўзларга ўзбекча муқобил сўз, сўз 
бирикмаси танлаш, изоҳлаш, тавсифлаш усуллари ва уларнинг комплекс 
қўлланганлиги асосланган; 
давр луғатчилигининг кейинги давр таржима, изоҳли, терминологик; 
филологик ва энциклопедик луғатларнинг яратилишида методологик вазифа 
бажарганлиги исботланган, замонавий лексикографиянинг ривожланиш 
тенденциялари аниқланган. 
Тадқиқотнинг амалий натижалари 
қуйидагилардан иборат: 
жадид адибларининг луғатчилик фаолиятига доир материал ва 
хулосалар ўзбек тилшунослиги, хусусан, ўзбек лексикографияси учун муҳим 
илмий-назарий маълумот беради, унинг назарий асосларини бойитади; 
«Ҳозирги ўзбек тили», «Ўзбек тили тарихи», «Ўзбек тилшунослиги 
тарихи», «Лексикография асослари» фанлари бўйича яратилган, яратилажак 
дарслик ва қўлланмалар, ҳозирги ўқув ҳамда изоҳли луғатларнинг 
мукаммаллашуви учун хизмат қилади; 
тадқиқот натижалари филология йўналишида таҳсил олаётган талабалар, 
илмий тадқиқотчилар ва соҳа мутахассисларининг билим ва малакасини 
оширишда манба бўлади; 
жадид адибларининг ўзбек лексикографияси шаклланиши ва ривожига 
қўшган ҳиссасига доир материаллар, назарий маълумотлар ёш авлод 
дунёқарашини шакллантириш, уларда ватанга садоқат, она тилига, маънавий 
меросимизга бўлган муҳаббат туйғуларини юксалтиришда катта аҳамият 
касб этади. Шунингдек, ёшларнинг «жадидлар» деб аталувчи зиёлиларга 
муносабатининг тўғри шаклланишига ёрдам беради.