Зарифбой ибодуллаев асаб ва руҳият илмий-оммабоп рисола

ЎЗБЕКИСТОННИНГ МАШҲУР НЕВРОЛОГ ОЛИМЛАРИ
Ўзбекистоннинг дунё тан олган невролог олимлари – Наби Мажидов, 
Абдуманнон Раҳимжонов ва Шомурод Шомансуровлардир.
Наби Мажидов – Ўзбекистон Республикаси Фанлар академиясининг 
академиги, Нью-Йорк Фанлар академияси ҳақиқий аъзоси, Евро-Осиё 
тиббиёт академияси академиги, Ўзбекистонда хизмат кўрсатган фан ар-
боби, тиббиёт фанлари доктори, профессор. 
Дунё миқёсида турли хил касалликлар ва синдромларни кашф қилган 
олимлар саноқлидир. Наби Мажидов шундай олимлар сирасига киради. 
Бугунги кундагидек замонавий асбоб-ускуналар бўлмаса-да, олим 42 
ёшида “хориоэпендиматит” деб аталмиш янги касалликни кашф қилди. 
Бу касаллик номи Халқаро тиббий атамалар китобидан ўрин олган. 
Олим мия пардалари яллиғланиши билан намоён бўладиган касалликни 
“Арахноидит” деб аташ ноўрин эканлигини илмий исботлаб берди ва бу 
касалликка ҳам янги ном берди. Ҳозирда бу касалликни дунё невроло-
глари “Лептоменингит” деб аташади. Неврология мураккаб тилсимлар-
га тўла фан. Наби Мажидов ўта кучли врач ҳам эдилар. Улар ҳар қандай 
мураккаб ташхисни чуқур мулоҳаза юргизиб, бемалол қўя олардилар.
Абдуманнон Раҳимжонов – Ўзбекистон Рес публикаси Фанлар акаде-
миясининг академиги, тиббиёт фанлари доктори, профессор. Ўзбекистон 
неврологияси асосчиларидан бири ва улкан ташкилотчи олим. У Тош-
кент врачлар малакасини ошириш институти директори бўлиб ишлаб, 
юртимизда неврология соҳасини ривожлантиришга улкан ҳисса қўшган. 
Академик А.Раҳимжонов бир қанча йирик илмий асарлар муаллифи. 
Айниқса, олимнинг “Бош мия қон томирлари касалликлари” китоби 
собиқ Иттифоқ миқёсида қўлма-қўл бўлиб кетган. У кишининг ҳар бир 
маърузаси тингловчиларни ўзига ром қилиб қўйган, шу билан бирга ўта 
кучли врач-невролог бўлганлар. Абдуманнон Раҳимжонов нигоҳидан ҳеч 
бир мураккаб неврологик касаллик қочиб қутула олмаган десам, асло 
муболаға қилмаган бўламан. У ҳар қандай касалликни ўта моҳирлик би-
лан аниқлаган.