Zamonaviy texnologiyalar

I.4. Noan‘anaviy mashg‘ulotlar, ularning pedagogik imkoniyatlari. 
 
Tayanch tushunchalar: munozarali darslar, ilmiy munozara, erkin fikrlash 
darslari, ilmiy konferensiya darsi, seminar dars, sinov darsi, trening dars. 
 
Noan`anaviy darslar qanday tashkil etiladi? 
 
Noan`anaviy  darslar  o‘qituvchining  qobilyati  tashabbuskorligidan  va 
sinfdagi  o‘quvchilarning  bilim  darajasidan  kelib  chiqqan  holda  tashkil  etiladi. 
Quyida  noan`anaviy  darslarni  tashkil  etish  yuzasidan  namuna  sifatida  keltirib 
o‘tamiz: 
 Munozarali drslar 
Munozarali  darslar  ham  muammoli  ta‘lim  texnologiyalariga  asoslanadi. 
 Munozarali darslar mazmuni va mohiyatiga ko‘ra:  
1. Ilmiy munozara darslari; 
2. Erkin fikrlash darslariga ajratiladi. 
Ilmiy   munozara  darslari  dasturdagi  muayyan  bir  mavzuni  o‘rganishga 
bag`ishlanadi. Mazkur dars oldida qo‘yidagi vazifalar turadi: 
1.  O‘quvchilarning bilish faoliyatini faollashtirish orqali tahsil olishga va fanga 
qiziqishlarini orttirish, bilimlarini kengaytirish.  

---

35 
 
2.  O‘quvchilarning avval o‘zlashtirgan bilim, ko‘nikma va malakalarini odatiy, 
tanish  va  kutilmagan  yangi  vaziyatlarda  qo‘llanishi  orqali  yangi  bilimlarni 
egallashlariga erishish. 
3.  O‘quvchilarning  bilimidagi  mavhum  tushunchalarni  aniqlash  va  ularga 
barham berish, bilim olishga bo‘lgan intilishlarini rivojlantirish. 
4.  O‘quvchilarni nutq madaniyatini o‘stirish, o‘z fikrlarini lo‘nda va mantiqan 
to‘g`ri bayon etish, ularda dalillash ko‘nikmalarini hosil qilish. 
Masalan:  Kimyo  fanidan  munozarali  darslar  «Atrof  muhitning  kimyoviy  
ifloslanishi»,  «Kimyoviy  preperatlar  orqali  o‘simliklarni  rivojlanishi»,  «Kimyo 
sanoati korxonlarining ko‘payishi» kabi mavzulardagi umumlashtiruvchi darslarda 
foydalaniladi.