Zamonaviy sharoitda iqtisodiyot va ijtimoiy sohani rivojlantirishda

 

---

4 
I. BITIRUV OLDI MALAKAVIY AMALIYOTINING MAQSADI, 
VAZIFALARI VA OBYEKTI 
 
Bitiruv oldi malakaviy amaliyoti – bu o‘qitishning yakuniy bosqichi bo‘lib, 
bakalavriatning 4-bosqich talabalari tomonidan nazariy bilimlarni mustahkamlash 
va amaliy ko‘nikmalarni egallash orqali amaliyotda ishlashga tayyorligini 
ta’minlash, shuningdek, bitiruv malakaviy ishi mavzusi bo‘yicha ma’lumotlarni 
to‘plash maqsadida o‘tkaziladigan majburiy amaliyot turidir. 
5230600 - “Moliya” ta’lim yo‘nalishi bo‘yicha tahsil olayotgan talabalarning 
bitiruv oldi malakaviy amaliyotining maqsadi – o‘quv fanlarini o‘rganish 
jarayonida olgan nazariy bilimlarini kengaytirish, amaliy ko‘nikma va malakalarni 
egallash, kasbiy kompetensiyani shakllantirish, talabalarni mustaqil kasbiy 
faoliyatga tayyorlash, bitiruv malakaviy ishlarini yozish uchun zarur bo‘lgan 
amaliy ma’lumotlarni to‘plash va tizimlashtirish (rektor buyrug‘iga muvofiq 
bitiruv malakaviy ishini yozuvchilar uchun) hisoblanadi. 
5230600 - “Moliya” ta’lim yo‘nalishi davlat ta’lim standarti, o‘quv rejasi va 
ish rejasiga muvofiq, bitiruv oldi malakaviy amaliyoti VII o‘quv semestri 
tugagandan so‘ng, IV bosqichda 13 hafta davomida o‘tkaziladi. 
Bitiruv oldi malakaviy amaliyotining maqsadlaridan kelib chiqib, uning 
oldiga quyidagi vazifalar quyiladi:
tanlangan faoliyat sohasida olingan nazariy bilimlardan tashqari, tegishli 
ko‘nikma va malakalarni egallash, kasbiy kompetentsiyani shakllantirish; 
tanlangan faoliyat sohasida moliyaning amal qilishi bo‘yicha amaliy 
ko‘nikma va malakalarni shakllantirish; 
amaliyot davomida zarur statistik va amaliy materiallarni to‘plash, ularni 
umumlashtirish va tizimlashtirish; 
bitiruv oldi malakaviy amaliyot natijalari bo‘yicha moliyaviy-iqtisodiy 
ko‘rsatkichlarni tahlil qilish, uning natijalari bo‘yicha xulosalar yozish; 
bitiruv oldi malakaviy amaliyot natijalari bo‘yicha hisobot tayyorlash, uni 
o‘tash paytida to‘plangan materiallar mazmunini tavsiflash; 
bitiruv malakaviy ishini yozish uchun zarur bo‘lgan statistik va amaliy 
ma’lumotlarni yig‘ish va tahlil qilish; 
xorijiy mamlakatlar amaliyotini va dunyoning rivojlangan mamlakatlarining 
ijobiy tajribasini O‘zbekiston Respublikasi sharoitida qo‘llash istiqbollarini 
o‘rganish. 
Amaliyot davrida talabalar bitiruv oldi malakaviy amaliyotini o‘tayotgan 
moliya organlarining faoliyatini o‘rganibgina qolmay, balki ularning ijtimoiy 
hayotida va jamoat ishlarida faol ishtirok etishlari kerak. 
Ushbu btiruv oldi malakaviy amaliyoti dasturi O‘zbekiston Respublikasi 
Moliya vazirligi tizimida amaliyot o‘tashi belgilangan talabalar uchun ishlab 
chiqilgan. 
Talabalarning bitiruv oldi malakaviy amaliyotining obyekti bo‘lib 
O‘zbekiston Respublikasi Moliya vazirligi va uning hududiy bo‘linmalari 
hisoblanadi. 

---

5 
Bitiruv oldi malakaviy amaliyot davomida talabalar bitiruv oldi amaliyot 
natijalariga 
asoslangan 
statistik 
va 
amaliy 
ma’lumotlarni 
to‘plashlari, 
tizimlashtirishlari va tahlil qilishlari, hisobot tayyorlashlari va himoya qilishlari 
zarur.