Zamonaviy qurilish materiallari va konstruksiyalari

Qosimov I.M., 2020 

---

3 
K I R I SH 
Bozor munosabatlari sharoitida ijtimoiy hayotimizning barcha 
sohalarida, shu jumladan ma’naviyat, ma’rifat va ilm fanda ham juda 
katta o‘zgarishlar sodir bo‘lmoqda. 
Milliy istiqlol mafkurasi, o‘zining mazmun mohiyatiga ko‘ra, 
mamlakatimizning har bir fuqarosi ongiga xalqimizning dunyodagi hech 
bir xalqdan kam emasligini va kam bo‘lmasligi g‘oyasini singdirishga 
qaratilgandir. Mana shunday g‘oyalar bilan qurollangan yoshlarimiz 
mamlakat taqdirini hal qiladilar, uning buyuk kelajak sari qo‘yayotgan 
qadamini yanada tezlashtirishga o‘zlarining munosib hissalarini 
qo‘shadilar. 
Respublikamizda raqobatbardosh mahsulotlarni ishlab chiqarish va 
eksport qilish bo‘yicha barqaror o‘sish suratlarini ta’minlash, shuningdek, 
korxonalarni modernizatsiya qilish, texnik va texnologik yangilashga 
qaratilgan qurilish materiallari sanoatidagi tarkibiy o‘zgartirishlarni 
yanada chuqurlashtirish yuzasidan tizimli ishlar amalga oshirilmoqda. 
Tarmoqni jadal rivojlantirish va diversifikatsiya qilish uchun qulay 
shart-sharoitlar yaratish, mahalliy mineral xom ashyo resurslarini qayta 
ishlashga investitsiyalarni jalb qilish va qurilish materiallarini eksport 
qilish hajmlarini oshirish maqsadida: O‘zbekiston Respublikasi 
Prezidenti Shavkat Mirziyoyev 2019-yil 23-maydagi PQ-4335-son qarori 
qabul qilindi.
Bugun shaharu-qishloqlarimizda amalga oshirilayotgan ulkan 
bunyodkorlik ishlari samaralari keng va ravon yo‘llar, zamonaviy 
ko‘priklar, yuksak me’moriy yechimga ega mahobatli inshoot va 
imoratlar, shinam uy-joylar, milliy qadriyatlarimizni o‘zida mujassam 
etgan koshonalarda o‘z ifodasini topayabdi. Bu xalqimiz turmush tarzi, 
hayoti va yashash sharoiti tubdan o‘zgarayotganidan dalolatdir. 

---

4