Zamonaviy dubay arxitekturasi

Қозиқли пойдеворлар:
а – қозиқли пойдеворлар кўриниши;
б – қозиқ ростверк билан;
в – қоқилган қозиқлар майдони
Ўта юқори қаватга эга бинолар учун, кучсиз грунтларда, турлича юк кўтариш қобилиятига эга заминда барпо этилаётган иншоотнинг турли қисмлари остида ва бошқа техноген омилларни эътиборга олган ҳолда пойдевор сифатида бутун иншоот остига монолит плита (яхлит пойдевор) қурилади (расм). Пойдевор плиталари планда фақат чўкиш чоклари бўйича бўлинади, плиталар бинонинг бикирлигини ва пойдеворнинг ҳамда иншоотнинг ер усти қисмининг биргаликда ишлашини таъминлайди. Яхлит пойдеворлар иншоот айрим қисмларининг нотекис чўкишини кескин камайтиради.
Монолит плитали пойдеворлар
Тасмали пойдеворларни қуриш технологияси
Монолит тасмали пойдеворлар. Тасмали пойдеворлар деворлар остига асосан монолит ёки йиғма блоклардан қурилади. Монолит темирбетон тасмали пойдеворлар қуйи қисми арматураланган тасма ва арматураланмаган ёки кам арматураланган пойдевор девори кўринишида бўлиб, унинг устига бино деворлари тикланади.
Пойдеворларни ва деворларни монолит темир бетондан барпо этиш жараёни ўз ичига пойдеворлар ўқларини режалаш, қолипларни (опалубкаларни) ўрнатиш, арматурани йиғиш ва ўрнатиш, ҳамда бетонлашни олади. Пойдеворларни қуриш технологиясини танлаш пойдеворлар ва хусусан биноларнинг конструктив ечимларига, шунингдек мавжуд технологик жиҳозлар ва механизмларга боғлиқ бўлади.0
Тасмали пойдеворларни бетонлаш:
а – бетон аралашмасини узлуксиз узатишда устунли пойдеворларни бетонлаш;
б – ўшанинг ўзи, поғоналаб бетонлашда; в – поғоналини виброхартумдан фойдаланиб бетонлашда;
г – пойдеворнинг конструктив ечими; 1 – пойдевор қолипи; 2 – бадъя бетон аралашмаси билан;
3 –иш майдончаси; 4 – вибратор; 5 – бетон; 6 – бўғинли хартум; 7 – бўйлама арматура; 8 – кўндаланг арматура; 9 – бетонли асос; 10 – зичлаштирилган грунт; 11 – елимланувчи гидроизоляция.
Йиғма тасмали пойдеворлар ҳисоблаш асосида арматураланган йиғма пойдевор ёстиқларидан иборат бўлиб, уларнинг устига девор блоклари ўрнатилади. Темирбетонли пойдевор плита-ёстиқлар ва бетонли девор блоклари унификациялаштирилган (бир хил шаклга келтирилган), номенклатура уларнинг тўртта гуруҳга ажратилишини назарда тутади, бу гуруҳларнинг ҳар бири қабул қилаётган юкланиши билан фарқ қилади. Иншоотнинг бикирлигини ошириш, кучсиз грунтларда қуришда чўкишларни бир хиллаштириш учун ва зилзилага қарши тадбирлар сифатида йиғма пойдеворлар арматураланган чоклар билан ёки пойдевор ёстиқчалари устидан қуриладиган ёки деворли пойдевор блоклари охирги қатори устидан бинонинг бутун периметри бўйича бир сатҳда қуриладиган темирбетон белбоғлар (камарлар) билан кучайтирилади.