Maktabni oxirgi uch yilda (2019-2021) erishilgan yutuqlar 2019-2021 yillarda Mirakbarova Ziyoda Baxtiyorovna (Xalq ta'limi a'lochisi ) ga nomzod UNISEF tomonidan tashkil etilgan xalqaro tadqiqotlarga tayyorgarlik ko'rishda o'quvchilarning savodxonligini baholash va rivojlantirish bo'yicha “TIMSS” yo'nalishini O'zbekistonda joriy etish tajriba sinovida ishtirok etgan. Respublika miqyosidagi “Boshlang'ich ta'lim” va “Ma'rifat” gazetalarida muntazam maqola va dars ishlamalari chop etilgan. So'nggi chop etilgan maqolasi 2020 yilning oktyabr oyida “Ona tili darslarida didaktik o'yinlaridan samarali foydalanish”. Uning o'quvchilari “Prezident maktablari” ga o'qishga qabul qilingan. 2021 yil Toshkent shahar O'qituvchilarning malakasini oshirish va qayta tayyorlash institutida “Ota-onalar bilan ishlashda yangicha yondashuv” mavzusidagi ma'ruzasi shahar miqyosida ommalashtirildi. Maktabda boshlang'ich ta'lim metod birlashma raisi. “Xalq ta'limi fidoyisi” ko'krak nishoniga nomzod Xodjakeldieva Liliya To'lqinovna -Ingliz tili fani o'qituvchisi va xorijiy tillar bo'yicha 0.5 hajmda direktor o'rinbosari “Xalq ta'limi a'lochisi”. 2019-2020 o'quv yilda 8-A sinf o'quvchisi A'lamova Nozimaxon KHISO qizlar olimpiadasida muvaffaqiyatli qatnashib, 100 baldan 95 ball oldi. 2019 yil ingliz tili fanidan Xalqaro ingliz tili fani o'qituvchisi Shakilla Singx hamkorligida seminar-trening o'tkazdi. 2020 yil Toshkent shahar Uchtepa tumani ingliz tili o'qituvuchilari uchun AQSH valanteri Medison Krich bilan seminar - treninglar o'tkazdi va tashakkurnomalar bilan taqdirlandi. “Hippo - 2020” xalqaro ingliz tili olimpiadasida Toshkent shahar bosqichida 5 nafar o'quvchi g'olib bo'lib yarim finalga yo'l oldi. 2020 yil 8-sinflar doirasida “Professions“ mavzusidagi darsi tumanda ommalashtirildi. O'quvchilari “BRAVO INTELLECT CENTER” tomonidan tashkil etilgan “BRAVO INGLISG” , “SUPPER INGLISH” , “INTELLECT-2021” Respublika olimpiadalarida ishtirok etib faxrli o'rinlarni egallab kelmoqda. 2021 yil VESTMINSTR instituti, O'zDJTU bilan xamkorlikda uchrashuvlar o'tkazgan. “INTELLECT-2021” Respublika olimpiadasida 1-2 bosqichlarida ishtirok etib, muvoffaqiyatli 1-o'rinni egallagan. “Biz ingliz tilini oilamiz bilan o'rganamiz” mavzusida videoroliklvr tanlovini o'tkazdi. Yangi milliy dastur asosida ingliz tili fanini matematika fani bilan integratsiya usulida o'tib kelmoqda. 2018 yildan buyon Respublika Ta'lim Markazi bilan hamkorlik ishlarini olib boradi. Abdullaeva Dildora Abduvasitovna -Direktorning o'quv-tarbiyaviy ishlar bo'yicha o'rinbosari “Xalq ta'limi a'lochisi”. “Xalq ta'limi fidoyisi” ko'krak nishoniga nomzod Mehnat staji 26 yil. Mazkur vazifada 2010 yildan beri ishlamoqda. D. Abdullaeva ko'p yillik tajribaga ega ilg'or pedagog sifatida zamonaviy ta'lim texnologiyalaridan foydalangan holda yosh avlodni barkamol voyaga yetkazish borasida samarali mehnat qilib kelmoqda. Mohir pedagog-ustoz maktabda, tuman va shahar miqyosida o'tkaziladigan barcha ko'rik-tanlovlar, olimpiadalarda o'quvchilarning ishtrokini to'liq ta'minlab, o'quvchilari nufuzli o'rinlarni egallab kelmoqda.. Maktabda o'quv jarayonini reja asosida to'g'ri tashkil etadi. 2019 yil 25 aprel kuni Respublika miqyosida “Xorijiy tildagi bilim-donishmandlikka yo'l” mavzusida ochiq eshiklar kunini tashkil etdi. Bitiruvchi sinf o'quvchilarini kasbga yo'naltirish maqsadida O'zbekiston Davlat Milliy universiteti va Toshkent Davlat Jahon tillari universiteti bilan hamkorligida semenar treninglar tashkil etdi. “O'zbekiston bunyodkori” gazetasining 2021 yil 31 avgust kunidagi 72-sonida “Yangi o'quv yiliga munosib tayyorgarlik” mavzusida maqolasi chop etildi. Maktabning barcha fanlar bo'yicha metodika birlashmalari raisi sifatida yosh pedagoglarning kasb mahoratini oshirishga munosib hissa qo'shmoqda. Fidoyi pedagog mustaqillik yillarida mamlakatimizda ta'lim tizimini rivojlantirish borasida amalga oshirilayotgan keng ko'lamli islohotlar va ularning amaliy samaralari haqida muntazam targ'ibot-tashviqot ishlarini olib bormoqda. Yuqori malakali pedagog, fidoyi va jonkuyar inson sifatida hamkasblari va mahalla ahli o'rtasida hurmat qozongan.
