Zamonaviy avtomobillarning shina va disklariga txk

20-rasm Diskadan boltlarni gaykalarni ajratish
Avtoshinalarning naqshli qoplama (pokrishka)larining nosozliklarini ta’mirlash turlari. Shinalarni ta’mirlashga qabul qilish uchun texnik shartlar, maxalliy shikastlarni ta’mirlash texnologik jarayoni: tozalash va yuvish, tozalash ishlari, protektorni yelimlash va quritish. Shikastlanlagn joyni to‘ldirish. Shinalarni ta’mirlash texnologik jarayoni, protektorni tekshirish va ta’mirlash usulini belgilash, protektor o‘rnini g‘adir-budirlash va yelim surish, quritishi, protektor rezinani tayyorlash, vulkanizatsiya usulida pishirish, tozalov ishlovi. Ko‘llaniladigan jixozlar, moslama va asboblar. Shinalar ta’mirlash korxonalarining kafolat va majburiyatlari. Ish joylarini tashkil qilish, xavfsizlik choralari va atrof muhit muxofazasi.
Shinalarni ta’mirlash ustaxonasidagi ishlarni tashkil etish
Avtotransport korxonasida shina yig‘uv ishlari ustaxonasi g‘ildirak va shinalarni qismlarga ajratish va yig‘ish, pokrishkalarni almashtirish, kameralarni va g‘ildirak disklarini joriy ta’mirlash hamda g‘ildiraklarni yig‘ilgan holda muvozanatlashtirish uchun xizmat qiladi. Bunda shinalar qismlarga ajratishdan oldin lozim bo‘lganda shina ishlari ustaxonasida yoki poli panjarali bo‘lgan, ichakli yuvish qurilmasi bor va siqilgan havo bilan ta’minlanagan TXK va joriy ta’mirlash mintaqasida yuviladi va quritiladi. G’ildirak disklarini zangdan tozalash va ularni to‘g‘rilash kuzov ustaxonasini to‘g‘rilash bo‘limida to‘g‘rilanib bo‘yash mintaqasida bo‘yalishi ham mumkin. Bajariladigan ishlar nomi va ularni tashkil etish ustaxona quvvatiga bog‘liq. Shina yig‘uv ustaxonasida bajariladigan ishlar texnologiyasi qo‘yidagi tartibda bajariladi


21-rasm Rasm. Shinalarni diskdan bo‘shatish

22-rasm. Shina ishlari ustaxonasida bajariladigan ishlarni texnologik jarayoni shakli
Texnik xizmat ko‘rsatishda avtmobildan yechib olingan yoki mijozdan olingan g‘ildirak maxsus aravacha yordamida shina ishlari ustaxonasiga keltiriladi. Ta’mir ishlari boshlanguncha g‘ildiraklar stellajlarda saqlanadi. Shinalarni qismlarga bo‘lish maxsus g‘ildiraklarni qismlarga bo‘lish stendida texnologik xaritadagi ketma-ketlik bo‘yicha amalga oshiriladi. Qismlarga ajratilgandan keyin disk va pokrishka stellajda, kamera esa osgichda saqlanadi.