Замонавий технологик жараенларни автоматлаштирилган бошқарув тизимлари

Ўқув фанинг мақсади ва вазифалари

Фаннинг мақсади - технологик жараёнларни замонавий автоматлаштирилган тизимлар назарий асосларини (архитектура, поғоналар функциялари, вазифалари, моделлари, техник воситалари, бошқаришда Интернет-технологияларни) ўрганиш ўрганишдир.

Фаннинг вазифаси- замонавий саноат автоматлаштирилган тизимларининг тузилмаси ва бошқариш усулларини ўрганишдан иборат.
Фан бўйича талабаларнинг билимига, кўникма ва малакасига қўйиладиган талаблар

“Замонавий технологик жараенларни автоматлаштирилган бошқарув тизимлари” ўқув фанини ўзлаштириш жараёнида амалга ошириладиган масалалар доирасида талаба:

• 
  замонавий ТЖАБТ иерархик архитектураси, поғоналарининг функциялари ва вазифалари, техник воситалари; ТЖАБТда Интернет- технологияларни қуллаш, ТЖАБТнинг илмий ва технологик асослари ҳақида тасаввурга эга бўлиши керак;
  
• 
  замонавий автоматлаштирилган тизимларнинг архитектураси, поғоналар функциялари, тизимларнинг очиқлик принципи, OSI моделининг тузилиши, автоматлаштирилган тизимларда контроллерлар ва ПИД- регуляторлар қулланишини билиши керак.
  

Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвий кетма-кетлиги

Ушбу фанидан етарлича билим олишлари учун талабалар олий математика, автоматик бошқариш назарияси, автоматиканинг техник воситалари ва рақамли автоматика, электроника ва МПТ, электротехниканинг назарий асослари, метрология ва электр ўлчашлар фанларидан етарли билим ва куникмаларга эга бўлишликни талаб этади.

Фаннинг ишлаб чиқаришдаги урни
Сув хужалиги барча йўналишларида (гидротехник иншоотлар, насос станциялар, сув суғориш, тарқатиш тизимлари, сув таъминот тизимлари) технологик жараенларни автоматлаштирилган бошқаруви кенг қўлланмоқда.
“Замонавий ТЖАБТ” фанига бугунги кунда алохида талаблар қўйилади. Шунинг учун ушбу фан ишлаб чикаришнинг ажралмас бўғинидир.