Замонавий таълим / современное образование 017, Содиқова Ш. А., Низомий номидаги Тошкент давлат педагогика университети «Мактабгача таълим методикаси»

ЗАМОНАВИЙ ТАЪЛИМ / СОВРЕМЕННОЕ ОБРАЗОВАНИЕ
2017, 4
Болаларда ахлоқий сифатларни шаклланти-
риш жараёнини янада такомиллаштириш, 
уларнинг миллий қадриятлар, анъаналаримиз 
ҳақида янада теран мушоҳада юритишлари 
мақсадида турли эртаклар, ҳикоялар ўқиб 
бериш, асар қаҳрамонлари орқали уларда 
инсоний фазилатларни шакллантириш сама-
рали натижа беради. 
Театрлашган томошалар намойишини 
мактабгача таълим муассасаларида ташкил 
этиш.
Катта ёшдаги тарбияланувчилар томо-
нидан саҳналаштирилган асарлар уларнинг 
билим, кўникма ва малакаларини ошириш 
мақсадида таълим муассасалари бошқа тар-
бияланувчилари учун намойиш этилса мақ-
садга мувофиқ бўлади. Бунда нафақат актёр-
лик маҳоратини синовдан ўтказаётган бола-
ларнинг саҳна маҳоратлари, балки томошабин 
олдида ўзини тутиши, берилган образларни 
тўлалигича очиб бериш каби ижодий фази-
латлари шаклланади.
Шунга мувофиқ, мактабгача таълим муас-
сасаларида куннинг иккинчи ярмида кўнгил-
очар тадбирларнинг ташкил этилиши, китоб-
хонлик кунларини ўтказиш ва ўқиган эртак-
ҳикоялари асосида болаларнинг ўзлари ишти-
рокида саҳналаштирилган томошаларни амал-
га ошириш мақсадга мувофиқ бўлади. 
Изоҳ сифатида ўтказилган тажрибадан 
ке либ чиққан ҳолда Абдусодиқ Ирисовнинг 
«Билмай қолиб»
1
ҳикоясини саҳналаштирган 
ҳолда фойдаланишни таклиф қиламиз. 
Мақсад: 
– болаларни бажараётган ишлари тўғри 
ёки нотўғри эканлигини тушуниб етишлари ва 
хатоларини тузатишга ўргатиш;
– болаларни театрлаштирилган эртак асо-
сида ахлоқий сифатларини тарбиялаш, уларни 
меҳрли, кечиримли, одобли ва аҳил бўлишга 
ўргатиш;
– болаларнинг озода, тартибли ва эҳтиёт-
кор бўлишларига эришиш.
Керакли жиҳозлар: 
думалоқ ёнғоқ, чақиш 
учун тош. 
Роллар: 
она, ўғил, қиз.
Машғулотнинг бориши.
1
Иброҳимова З. Гулгина. I жилд. Кичкинтойлар учун 
бадиий адабиётлар мажмуаси. - Т.: «Янги нашр», 2010. 
-100-б.
Тарбиячи:
Ассалому алайкум, азиз бола-
жонлар! Болалар, биз бугун Райҳоннинг бил-
май қилган ишидан афсуслангани ва бундай 
ҳоллар қандай оқибатларга олиб келишини 
тушуниб етганини кўрсатиб бермоқчимиз.
Райҳон: 
Думалоққина ёнғоқ, мазалигина 
ёнғоқ ҳозир сени чақаман. (Уйининг эшиги 
олдида ёнғоқни тош билан уриб чақиб еди-да, 
пўчоғини оёқ остига ташлаб кетади.) 
Бахтиёр:
Тўхтанглар, мен ҳам ўйнайман. 
(Кўчага болалар билан ўйнагани чопиб 
чиқади, ёнғоқ пўчоғини босиб олади, пўчоқ 
оёғига кириб, жароҳатлайди, ай-ай, йиғлайди.)
Райҳон: 
Нима қилиб қўйдим? (Акасининг 
олдига югуриб келиб, унинг аҳволини кўриб 
қўшилиб йиғлайди, акасига раҳми келиб 
қарайди ва онасини чақиришга ошиқади.)