Замонавий педагогик технологиялар

Продуктив ўзлаштириш даражаси – бунда ўқувчи олган билимининг ноанъанавий масалаларни ечишда мустақил фикр юритиши талаб қилинади.
Психодрама ва социодрама – бу ролли ўйинга, ишбилармонлик театрига ўхшаган бўлиб, фақат бу ерда социал-психологик масалалар ечилади. Бундай масалалар жумласига жамоадаги вазиятни ҳис кила олиш, бошқа кишини руҳий ҳолатини тўғри баҳолаш ва уни ўзгартира олиш, у билан унумли мулоқотга кира олиш киради.
Репродуктив – ушбу тест топшириқларида синалувчидан олдин ўрганилган тартиб асосида мустақил иш бажариш талаб этилади. Улардан олдинги ёдланган алгоритмлар, қоидаларни эслаш талаб этилади.
Ролли ўйинлар – маълум бир шахснинг вазифа ва мажбуриятларини бажаришдаги руҳий ҳолатлари хатти-ҳаракати ишланади, роллар мажбурий мазмуни.
Синтез – элементлардан, бўлимлардан янгиликка эга бўлган яхлитликни яратиш кўникмасини англатади.
Credits-host – университетида (қабул қилган университет) муваффақиятли ўтилган барча фанлар Post-университетда (талабани бошқа ОТМга жўнатган университет) ҳисобга олиниши зарур.
Табақалаштирилган ўқитиш – ўқув жараёнини ташкил этишни бу шакли умумий дидактика тизимига асосланган бўлиб.махсус ташкил эттирилган талабаларнинг гомоген гуруҳларида, ўкув жараёнини махсуслаштиришни таъминлайди.
Таҳлил – бу тоифа ўрганилган материал таркибини бўлакларга бўлиб, унинг тузилмасини яққол кўрсатиш кўникмаларини англатади.
Таълим ахбороти – муайян фаолияттури, ихтисосини амалга оширишда қўллаши учун, таълим олувчига бериш керак бўлган билимдир.
Таълим – билим бериш, малака ва кўникма ҳосил қилиш жараёни, кишини ҳаётга тайёрлашнинг асосий воситасидир.
Таълим технологияси – бу таълимий ахборотларни манбадан истеъмолчига узатишда қўлланиладиган дидактик услублар мажмуасидир.
Технология – юнонча сўз – «техно» - санъат ва «логос» - ўрганиш. Материаллар ёки ярим фабрикатларни олиш, ишлов бериши ва қайта ишлаш усулларини ишлаб чиқувчи ва такомиллаштирувчи илмийфандир.
Тушуниш – унинг кўрсаткичи, материални бир шаклдан бошқа шаклга ўтказилиши бўлиши мумкин материални интепретацияси ёки ҳодиса ва воқеаларнинг келажагини оқибатлар башорат қилиш.