«Законы Бизнеса 12+1»

1.Диққат билан “Бизнес Ташкил Қилишнинг 10 асоси” китобчасини ўрганиб чиқишингиз, фақат шу китобчага ва ўз устозингиз кўрсатмаларига амал қилишингиз керак.
2.Китобчани ўқиш жараёнида ҳеч ким билан(ҳатто яқинларингиз билан ҳам) бу иш ҳақида гапирманг ва ишга таклиф қилманг. Улар ҳали билишмайди, сиз ҳали тушунтира олмайсиз. Сиз аввал бу ишни ўрганишингиз керак, кейингина бўлажак ҳамкорларни танлаб, уларни ишга таклиф қилишингиз керак.
3.Ўнг ва чап тарафларингизга бир дўст ёки қариндошингизни ҳамкорликка таклиф қилиб, қайд қилганингиздан кейин тезлик билан ўз устозингиз ёрдамида янги ҳамкорларга дарс ўтишни бошлашингиз керак. Улар ҳам бу китобчани чуқур ўрганишлари керак.


НОНВОЙХОНА ОЧМОҚЧИ БЎЛСАНГИЗ, АВВАЛ НОН ЁПИШНИ ЎРГАНИНГ!

Азиз дўстим! Мен сизнинг қандай маълумотга эга эканлигингиздан бехабарман. Сиз қандай инсонсиз? Ҳаётингизда муваффақиятли ёки муваффақиятсиз инсон бўлишингиз мумкин. Сизнинг нима қилганингизу ким бўлганингизнинг аҳамияти йўқ. Мени келажакда ким бўлишингиз қизиқтиради.

ҲАЁТИНГИЗНИ ЎЗГАРТИРМОҚЧИ БЎЛСАНГИЗ, АВВАЛ ЎЗИНГИЗ ЎЗГАРИШИНГИЗ КЕРАК.


4.Ҳамма нарсани биламан деманг. Сиз ҳали бу ишда ҳеч нимани билмаймиз. Шунинг учун сиз фақат диққат билан бу китобчани ўқинг, ўзлаштиринг. Аста-секин билимингиз ошиб борганидагина, ишончимиз комил, бу бизнесда муваффақиятга эришасиз.
5. Ҳар қандай узоқ сафар ҳам биринчи қадамдан бошланади. Агар бу ишга вақт ажратмай, осонлик билан яхши натижага эришаман деган фикрингиз бўлса, яхшиси китобчани ўқимай қўя қолинг. Лекин ҳаётингизда ҳали дилингизга тугиб қўйган катта орзуларингиз ва мақсадларингиз бўлса, ўқишни давом эттириб кўрсатмаларга амал қилинг.


ТАШКИЛОТИНГИЗ РИВОЖЛАНИШИ ВА ДАРОМАДИНГИЗНИНГ БУЮКЛИГИ ҒАЙРАТИНГИЗ ВА АЖРАТАДИГАН ВАҚТИНГИЗНИНГ БУЮКЛИГИГА ТЕНГ.

Сиз буюк имкониятларга бой бизнесингизда илк қадамларингизни қўймоқдасиз, сизни олдинда нималар кутаётганини билмайсиз: муваффақиятми ёки муваффақиятсизлигу инқирозми. Лекин мен сизнинг келажагингизни таҳмин эта оламан. Сизга маслаҳатим: бу бизнесда ғалабалар қозонишингизга бутун вужудингиз билан самимий ишонинг ва бу ишончингизни сиз бизнесга таклиф қилаётган яқинларингизга ҳам етқазинг.

6. Ҳеч вақт баскетбол устози ўз шогирдларига футбол сирларини ўргатмайди. Футбол устози ўз навбатида шогирдларини баскетболчи қила олмайди. Сиз ТАРМОҚЛИ БИЗНЕСни ўрганишни истайсиз, шунинг учун фақат шу ишнинг сирларини ўрганинг. Бугунгача билган билимларингизнинг бу бизнесга ҳеч қандай алоқаси йўқ, фойдаси ҳам йўқ.
7. Айрим кишилар бу ишни жиддий қабул қилмайдилар. Бу иш учун на вақт ва на куч сарфлайдилар. Улар шундай фикрлайдилар: “харид қилиш учун ва интернетда офисга эга бўлиш учун кам маблағ сарфладим, шунинг учун миллионер бўла олмайман”.Аслида қилган харидингизнинг миллионер бўлиш билан ҳеч қандай алоқаси йўқ! Миллионер бўлиш, азиз дўстим, бу ишни аввал ўзингиз яхши ўрганиб, кейин билганингизни ҳамкорларингизга ўргатишингиз учун ажратган вақтингиз ва ғайратингизнинг қанчалик кўплиги билан бевосита боғлиқ..
8. Кўпчилик бу ишнинг фалсафа ва мантиғини тезлик билан тушуниб, ишга жиддий киришиб кетишади. Лекин баъзилар бизнесни тушунмасдан ҳамкорликдан воз кечадилар. Бундайлардан рад жавобини эшитгач, ҳеч вақт тушкунликка тушиб руҳан эзилманг! Бизнинг бизнесда бу бўлиб турадиган ҳодиса. Яхшиси бу рад жавобининг асосий сабабини билинг. Жиддий ишлаб, ривожланиб боринг. Вақт ўтиши билан сизнинг муваффақиятларингизни кўрган бу яқинларингиз албатта сизга қайтадилар.
9.Бу иш ҳозиргача қилиб келган бошқа ишингиздан мураккаб ва машаққатли эмас. Баъзиларнинг муваффақиятсизлиги, уларнинг бизнесни билмасликлари ёки бу ишни тушуна олмаслигида эмас. Бунинг сабаби шундан иборат: улар бу ишнинг “кўз”-ини билишни истамайдилар ва уларга ишлаш умуман ёқмайди.Бир кишининг муваффақиятсизлиги бутун бизнесни қулатмайди. Муваффақиятга фақатгина ишнинг “кўз”-ини ўрганиб, тўғри ишлаганларгина эришади.
10. Сиз ишга жалб қилган дўстингизнинг бизнесдаги масъулиятларини қабул қилиши, маҳсулот харид қилиб, компаниянинг намояндаси ҳолига келиши учун муайян вақт кетади. Шу сабабдан бошқа тадбиркорлар каби сиз ҳам ҳамма вақт сабр-тоқатли бўлишингиз керак.