Зайлобитдинов дилмурод номонович

2.3-расм. Банк инфратузилмасини ташкил этувчи омиллар⁴⁷
Бугунги кунда мижозларнинг анъанавий банк хизматларига бўлган талаби камайиб бормоқда, бунга сабаб технологияларнинг йилдан-йилга ривожланиб боришидир. Мижозларнинг банкларда кўрсатиладиган хизматларга эмас, балки масофадан кўрсатиладиган хизмат турларига талаби ошиб бормоқда. Мамлакатда тўлов инфратузилмасини ривожлантиришда тўлов тизимлари ўртасида соғлом рақобат муҳитини шакллантириш лозим.

2.2. Тижорат банкларида кўрсатилаётган банк хизматлари турларининг жорий ҳолатини баҳолаш

Маълумки, банк инфратузилмасини ривожлантириш банк хизматлари кўламини кенгайтириш, такомиллаштириш орқали мижозлар сонини ошириш билан боғлиқ самарали механизм кетма-кетлигини таъминловчи омил ҳисобланади. Аҳолига кўрсатиладиган банк хизматлари самарадорлигини ошириш, тўлов тизимини такомиллаштириш, шунингдек “рақамли банк”ни ривожлантириш мақсадида бир қатор қарор ва фармонлар қабул қилинди. Республикамиз банк сектори жами активларининг ялпи ички маҳсулотга нисбатан даражаси 2001 йил 1 январь ҳолатига кўра, 29,3% дан 2020 йил 1 январь ҳолатига кўра, 52,6 % га кўтарилди. Тижорат банклари жами капиталининг ялпи ички маҳсулотга нисбатан даражаси 2020 йилнинг 1 январь ҳолатига 6,5 % атрофида сақланиб қолмоқда. Мамлакатимизда 2001 йил 1 январь ҳолатига тижорат банклари кредит қўйилмаларининг ялпи ички маҳсулотга нисбатан даражаси 18,8% ни ташкил этган бўлса, ушбу кўрсаткич 2020 йил 1 январь ҳолатига кўра, 41,1 % га етиб, 2,5 баробарга ошган.
Банк депозитларининг ялпи ички маҳсулотга нисбатан улуши 2001 йил 1 январь ҳолатига кўра 7,2 %дан 2020 йил 1 январь ҳолатига кўра 17,2 % га етди (2.4-расм)⁴⁸. 2020 йилнинг 1 январь ҳолатига кўра, мамлакатимизда 29 та тижорат банки фаолият кўрсатаётган бўлиб, 5 та давлат банки, 13 та акциядорлик тижорат банклари, 6 таси хусусий ва 5 таси чет эл капитали иштирокидаги банклар ҳисобланади. Бугунги кунда республика ҳудудларида тижорат банкларининг 867та филиали фаолият кўрсатмоқда⁴⁹. Республикамизда 2020 йил 1 январь ҳолатига кўра банклар томонидан ўрнатилган тўлов терминалларининг энг катта қисми, яъни 41261 таси ёки жамига нисбатан 19,8% и Тошкент шаҳри ҳиссасига тўғри келади, 100 минг аҳолига тўғри келувчи тўлов терминаллари Сирдарёда - 17 та, Жиззахда - 12 та, Навоийда - 11 та, Сурхондарёда - 9 тадан тўғри келмоқда.