Зайлобитдинов дилмурод номонович

2.2-расм. HUMO тўлов тизими тузилмаси⁴⁴
«HumoCard» тўлов тизимида миллий валютада ҳисоб-китобларни амалга оширувчи банк функциясини Ўзбекистон Республикаси Марказий банкининг Ҳисоб-китоб Клиринг маркази амалга оширади.⁴⁵ 2019 йилнинг жорий ҳолатига кўра, Тошкент шаҳрида 70 мингдан зиёд тўлов терминаллари, 50 тадан зиёд банкоматлар, 210 мингта тўлов карталари муомалага чиқарилган. HUMO тўлов тизимининг UZCARD тўлов тизимидан фарқли жиҳати HUMO ўз мижозларига контактсиз технологиялар ёрдамида тўловларни амалга оширишнинг инновацион усулини таклиф қилади. Ушбу усул мижозларга тўловни амалга оширишда бир мунча қулайлик яратади, ушбу тўлов тизими POS-терминаллар, Магнит чизиқли, чипли ва контактсиз карталарни қабул қилувчи алоҳида терминаллар, Visa, Master Card ва Union Pay International билан эмитент ҳамда эквайер сифатида уланиш имконияти мавжудлиги билан ажралиб туради⁴⁶.
Бугунги кунда мижозларнинг асосий қисми UZCARD тўлов тизимидан фойдаланади, бу эса HUMO тўлов тизими бозорда ўз ўрнини эгаллашида тизимнинг узлуксиз ишлаши ва носозликларни бартараф этиш, мижозларга хизмат кўрсатиш сифатини янада такомиллаштириш ва хизмат нархларини пасайтириш орқали рақобат муҳитини шакллантириши талаб этилади. Бу эса, ўз навбатида, UZCARD тўлов тизимидан инновацион хизмат турларини жорий этиш, янги замонавий инфратузилмалар билан таъминлаш, янги турдаги терминал ва контактсиз карталарни тизимга жорий этишни талаб этади. Мамлакатимиз банк инфратузилмасининг жорий ҳолати қуйидаги жадвалда келтирилган бўлиб, унда банк инфратузилмасининг ривожланиши Марказий банк томонидан тартибга солиниб, назорат қилиб борилади. Банк инфратузилмасини банк филиаллари, валюта айрибошлаш шахобчалари, банкоматлар, тўлов тизимлари, масофавий хизматлар орқали хизмат кўрсатишни таъминлаш, нақд пулсиз ҳисоб-китоблар самарадорлигини таъминлаш орқали, инфляцияни жиловлаш натижасида миллий валюта барқарорлигини таъминлашга эришамиз.
Мамлакатда банк инфратузилмасининг ривожланиши ва банкларнинг замонавий техникалар билан таъминланиши аҳолининг банк хизматларига бўлган талабининг ошиши банклар томонидан масофадан бошқарилувчи интернет банкинг, sms банкинг, mobile banking, банк-мижоз каби хизматлар ривожлантирилишига туртки бўлди. Ҳозирда мамлакатимиздаги барча банклар томонидан ушбу хизмат турлари кўрсатилиб келинмоқда. Аҳоли мобиль иловалар ёрдамида тўловларни амалга ошириш, картадан-картага пул ўтказиш, валютани конвертация қилиш каби хизмат турларидан кенг фойдаланмоқда. Мамлакатимизда рақамли иқтисодиётга ўтиш чора-тадбирлари амалга оширилаётган бир пайтда, тижорат банклари ҳам, мижозларга кўрсатиладиган хизмат турларини рақамли банкларга асосланган янги хизмат турларини жорий этиш мақсадга мувофиқдир.

Банк филиаллари

Инфокиоскалар

Сash-in

Банкоматлар

Cash-out

Cash by code

Conversion

M-Bank

Payme

Мобиль иловалар

Click

Sms банкинг

Master Card

Валюта айрибошлаш шахобчаси

VISA Card

МИР

China Union Pay

Нақд пулсиз ҳисоб китоблар самарадорлигини ошириш

Инфляция суръатларини жиловлаш

Миллий валюта барқарорлигини
таъминлаш