Зайлобитдинов дилмурод номонович

6. Мижозлар учун қулайликлар яратиш ва даромадни ошириш мақсадида овердрафт кредитларни тақдим этишни фаоллаштириш ва фоиз ставкасини оқилона белгилаш лозим.

7. Банк ходимларининг самарали фаолият юритишида уларнинг малакасини ошириб, CFA (Chartered Financial Analyst), ACCA (Association of Chartered Certified Accountants) сертификатларини олиш учун ўқитиш, замонавий молиявий дастурлаш тизими кадрларини кенг жалб этиш, мазкур йўналишда кадрлар тайёрлаш тизимини ислоҳ қилиб бориш, шунингдек, ходимнинг меҳнат фаолияти рейтинг тизими орқали баҳоланиб, юқори баҳога эга ходимларни рағбатлантириб бориш лозим.

8. Аҳолининг замонавий банк технологияларидан фойдаланиш кўламини кенгайтиришда уларнинг молиявий саводхонлигини ошириш муҳим ҳисобланади. Ушбу мақсадга эришишда Ўзбекистон Миллий телерадиокомпанияси, вилоят телерадио тармоқлари ва бошқа оммавий ахборот воситалари орқали молиявий саводхонликни оширишга қаратилган кўрсатувлар сонини кўпайтириш, хизмат турлари ва қулайликлар ҳақидаги ахборот таъминотини кучайтириш, аҳолининг молиявий саводхонлигини оширишни мактаб, коллеж, лицей, олий таълим муассасаларидан бошлаш лозим, бунда банк вакиллари билан биргаликда, дарс соатларини ташкил этиш мақсадга мувофиқ.

9. 
   Банк инфратузилмаси бўйича хориж тажрибасини таҳлил қилиш асосида уни ривожлантиришда замонавий банк офисларини ташкил этиш орқали хизмат кўрсатиш сифатини ошириш ва аҳолига кўрсатиладиган хизматларни рақамлаштириш имкониятлари очиб бериш.
   
10. 
    Банк инфратузилмасини ривожлантириш услубини ишлаб чиқиш асосида тўлов хизматлари, рақамли банк хизматлари, банкоматлар, пластик карталар ва банк операциялари такомиллаштирилади.
    
11. 
    Банкларда инфратузилмани амалга ошириш механизми шакллантирилди. Ушбу механизмда тижорат банкларининг асосий даромад келтирувчи кредит операциясини амалга ошириш натижасида товар ва хизматлар сонининг ортиши ундан валюта оқими кўпайиши акс этган. Бу эса, ўз навбатида, корхонанинг даромади ошиши ишчиларга иш ҳақи ўз вақтида бериш имконини беради. Иқтисодиёт занжирсимон кетма-кетликка ўхшатилади, бир омилни иккинчи омилга таъсири кучлидир, бу механизмда ҳам омилларнинг бир-бирига узвий боғлиқлиги механизм тарзида ишлаб чиқилди.
    
12. 
    Хориж тажрибасини ўрганган ҳолда Ўзбекистон банк тизимига омниканалли бакнингнинг жорий этилиши мамлакатимиздаги жисмоний ва юридик шахсларга молиявий хизматлардан фойдаланиш имкониятларини интеграциялашган ва инновацияларга ёндашган ҳолда амалга ошириш имконини беради.