Zahiriddin muhammad bobur nomidagi andijon davlat univyersiteti

Ichki  suvlari.  Yozyovon  tumani  shimolidan  O‘rta  Osiyoning  eng  uzun 

daryosi Sirdaryo ilon izi shaklida oqib o‘tadi.  

Yozyovon  tumani  hududidan  Katta  Andijon  kanali  va  Yozyovon  soyi  oqib 

o‘tadi. Suv inshootlari artezian va drenaj quduqlari yordamida yer osti suvlaridan 

foydalaniladi.  

Yozyovon cho‘lini o‘zlashtirish maqsadida bir necha kanal qazilgan. Ulardan 

eng  yiriklari  –  Usmon  Yusupov  nomidagi  Katta  Farg‘ona  kanali,  Oxunboboyev 

nomidagi kanal va boshqalar. Yer osti suvi 0,5-1,2 m chuqurlikda joylashgan. Sizot 

suvlari yer betiga yaqin joylashgan. Bundan tashqari Yozyovon, Sarijo‘ga, Sariqsuv, 

Qiziltepa, Farbiy va Yozyovon kollektorlari ham qazilgan.  

Tuproqlari  asosan  sug‘oriladigan  o‘tloq,  qisman  qumli  va  qumli-o‘tloq 

tuproqlardan tashkil topgan. Shuningdek sho‘rxoklar ham uchrab turadi.  

---

O‘simliklari.  Tuman  o‘simlik  qoplami  antropogen  omil  ta’sirida  tabiiy 

holatini  o‘zgartirib  yuborgan.  Sug‘orilib  dehqonchilik  qilinadigan  juda  katta 

hududlarda tabiiy o‘simliklar juda kam saqlanib qolgan.  

Vohalarda  madaniy  ekinlar,  mevali  va  manzarali  daraxtlar,  butalar  keng 

tarqalgan.  Yovvoyi,  ya’ni  begona  o‘tlardan  qumlarda  saksovul  saqlanib  qolgan. 

Uning oq va qora saksavul turlari ajratiladi. Shuningdek, qandim, cherkez, yulg‘un  

kabi o‘simliklar keng tarqalgan.  

Cho‘l va Sirdaryo to‘qaylarida yantoq, qamish, sho‘ra, shuvoq, yulg‘un o‘sadi. 

Kanal va ariq bo‘ylarida ixota maqsadida terak, tol, qayrag‘och, tut, jiyda, chinor, 

akatsiya va boshqa daraxtlar ekilgan.  

Yozyovon  cho‘li  deyarli  o‘zlashtirilib  bo‘lingan  va  madaniy  landshaftga 

aylantirilgan.