Zahiriddin muhammad bobur nomidagi andijon davlat universiteti kompyuter injiniringi va axborot texnologiyalari fakulteti

2. TA’LIM JARAYONIDA MOBIL TA’LIM IMKONIYATLARIDAN FOYDALANISH ASOSLARI

O’qituvchi ta’limning an’anaviy kunduzgi shaklidagi dars mashg’ulotlarini loyihalashtirishda mobil texnologiyalardan foydalanish jarayoniga turlicha yondashishi mumkin. Masalan, A. Amirov, A.Ashimbekova, A.Temirovalar[19] o'quv jarayonida mobil qurilmalardan foydalanish usullarini quyidagicha guruhlashtirishgan:

• 
  Multimediyali o’quv – web resurslar (audio fayllar, videofilmlar, grafika, xarita va tasvirlar)ni namoyish etish uchun;
  
• 
  O’quv saytlari, resurslar, ma'lumotnomalar, lug'atlarga tezkor kirishni ta'minlash;
  
• 
  Ta’lim jarayonidagi muloqotni ta’minlash uchun (SMS xabarlar, twitter, telegram, web seminarlar va boshqalar).
  

Yu. Shishkovskaya[13] mobil qurilmalardan ta'lim maqsadlarida foydalanishning bir necha yo'li haqida gapirganda quyidagilarni sanab o’tgan:
Birinchidan, mustaqil ta’lim olish. Mobil ta’lim texnologiyalari asosida quyidagi umumpedagogik tamoyillar: materiallardan foydalanishning qulayligi va soddaligi, interaktivlik hamda o’z o’zini boshqarish va o’zini o’zi baholash imkonini beruvchi maxsus ilovalar yotganligi uchun mustaqil ta’lim olish imkoniyati yaratiladi.
Ikkinchidan, m-learning g’oyalari maktablarda, shuningdek, oliy ta’lim muassasalarida an'anaviy o'quv jarayonida ham birdek qo'llanilishi mumkin.
Uchinchidan, mobil ta’lim masofaviy yoki korporativ o’quv kurslariga samarali to’ldiruvchi vazifasini o’tashi mumkin.
Hech bir ta’lim jarayonini turli testlarsiz amalga oshirilmasligini inobatga olib, testlarni ishlab chiqish texnologiyalariga to’xtaladigan bo’lsak, avvalo, quyidagi mobil platformalar haqida gapirishni istaymiz:

• 
  Google formalari (maxsus kod yordamida har qanday web-saytga
  

moslashuvchan so'rovnoma yoki testni yaratish qobiliyati, maxsus Flubaroo plaginlari avtomatik ravishda javoblarni qayta ishlab, baholarni qo’yishga imkon yaratadi);

• 
  Quizlet va Proprofs (tushirib qoldirilgan so’zlarni qo’yish imkoniyati, grafik ma’lumotlarni mos juftliklarini birlashtirish, vazifaga matnli hujjatlarni, pdf fayllar, shuningdek audio, video fayllar va taqdimotlarni qo’shish);  Kahoot va ClassMarker
  

(butun bir virtual sinf yaratish imkoniyati);

• 
  Easy Test Maker (to’g’ri / noto’g’ri turidagi testlarni tuzish imkoniyati).
  

Bugungi kunda ta'lim maqsadlari yo’lida muvaffaqiyatli ishlatilishi mumkin bo'lgan bir qator mobil ilovalar mavjud. Quyida o'qituvchilar uchun dars jarayonida mobil texnologiyalarni qo'llashda foydali bo'lishi mumkin bo'lgan ayrim manbalarni batafsil
ko’rib chiqamiz.