Zahiriddin muhammad bobur nomidagi andijon davlat universiteti mamadjanova ma

3-§. KECHIB O`TISHGA DOIR MANTIQIY MASALALARNI YECHISH USULLARI

Kechib o`tishga doir masalalarda daryoning bir qirg`og`idan ikkinchi qirg`og`iga suzish vositasi (qayiq)dan foydalanib, o`tkazish ko`rilib, bunda muammo bu vositalarning yetishmasligi, ular ko`tara oladigan yuk massasi chegaralanganligi, passajirlar soni va ularning tarkibi bilan bog`liq bo`ladi.

Bu turdagi masalalarni yechimini jadval ko`rinishida ifodalash maqsadga muvofiqdir. Bunda jadvalning o`rta ustuniga kechib o`tayotganlar, birinchi va oxirgi ustuniga kechuv davrida mos ravishda bir qirg`oqda hamda ikkinchi qirg`oqda qolganlar yoziladi. Jadvalni to`ldirishda quyidagilarga qat’iy rioya etish zarur: bitta satrda har bir kechib o`tuvchi yo markaziy ustunda, yoki birinchi ustunda, yoki oxirgi ustunda faqat bir marta yoziladi. Masalani yechish jarayonida o`quvchilar yo`l qo`yadigan asosiy xatoliklar ham shundan iborat bo`ladiki, ular kechib o`tuvchilardan birortasini yozishni esdan chiqaradilar yoki ikki marta yozib qo`yadilar.
Bu turdagi masalalar ko`p hollarda bir nechta yechimga ega bo`ladi. Shuning uchun o`quvchilar bilan birgalikda ularning hech bo`lmaganda ikkitasini ko`rib o`tish, ularni taqqoslash va farqini ko`rsatish maqsadga muvofiqdir.